اسلام آباد 23ستمبر (اے پی پی)د سېنېټ ډپټي چيئرمېن سېنېټر مرزا محمد آفريدي وئيلي دي پاكستان المان سره خپلو شريكو اړيكو ته د قدر په سترګه ګوري٬د كورونا وبا باوجود د پلاويو تبادلو سره د دواړو هېوادونو ترمينځه د تجارت او سرمايه كارۍ په حجم كښې زياتوالے راغلے ۔د دې خيالاتو څرګندونه ده د زيارت په ورځ د المان سفير برن هارډ سټيفن شيك سره په پارليمنټ هاؤس كښې د ملاقات په مهال كړې۔د ملاقات په مهال په پارليماني اړيكو٬ دوه اړخيزه اقتصادي او پارليماني روابط لا زياتولو نه علاوه په مهمو سيمه ايزو او نړيوالو چارو د خيالاتو څرګندونه شوې۔د سېنېټ ډپټي چيئرمېن په دې مهال وئيلي دي پاكستان المان سره خپلو شريكو اړيكو ته د قدر په سترګه ګوري٬د دواړو هېوادونو سفارتي اړيكې په 7 لسيزو مشتملې دي۔ ده ووئېل د دواړو هېوادونو خارجه وزيرانو د دوه اړخيزه روابطو په وده كښې مهم كردار ادا كړے۔
