اسلام آباد 26 اګست (اے پي پي) خارجه وزير مخدوم شاه محمود قرېشي د زيارت په ورځ په تهران كښې د ايران خپل همڅنګ ډاکټر حسېن امير عبداللهيان سره ليدلي دي ۔ په دې موقع د وزيراعظم افغانستان لپاره خاص استازے اېمبسډر محمد صادق،ايران كښې د پاكستان سفير رحيم حيات قرېشي او نور سينئر چارواكي هم د خارجه وزير سره ملګري وو ۔ په دې موقع خارجه وزير د ايران خپل همڅنګ ډاکټر حسېن امير عبداللهيان له د ايران د خارجه وزير په جوړېدو مباركي وركړه۔ د خارجه دفتر له مخې په دې موقع وفاقي وزير ووئيل پاکستان ايران سره د ورورولۍ دوه اړخيزه اړيكو ته ډېر اهميت وركوي٬ سږ كال اپرېل كښې زما د ايران دورې په مهال مونږ د دواړو هېوادونو ترمېنځه د پولې د ماركيټونو جوړولو او د نوې بارډر کراسنګ پوائنټ خلاصولو پحقله د تفاهم په مهمو يادښتونو لاسليك كړے٬ د دې لوظنامو عملي كېدو سره به د دواړو هېوادونو ترمېنځه نه يوازې تجارت وده وكړي بلكې په تګ راتګ كښې به هم سهولت راپېدا شي۔ ده ووئيل پاکستان او د ايران ترمېنځه تجارتي مراسم زياتول٬ اداره جاتي مېكنزم لا فعاله كولو ته اړتيا ده۔ د دواړو خارجه وزيرانو ترمېنځه په سيمه ايز صورتحال تفصيلي خبرې شوي ۔ خارجه وزير ووئيل د كشمير په كشاله د ايران د اعلٰې قيادت لخوا د پاكستان د موقف مستقل او غېر مشروط ملاتړ د ستائنې وړ دے، د افغانستان امن، استحکام او جامع سياسي تصفيې لپاره كوټلې سيمه ايزه لائحه جوړول ډېر اهميت لري٬ افغانستان كښې د امن بحالي به معاشي انضمام ، سيمه ايزو او په اولسي كچ د روابطو ودې له مرستياله وګرځي۔ د ايران خارجه وزير ډاکټر حسېن امير عبداللهيان ووئيل ايران، پاکستان سره دوه اړخيزه د ورورولۍ اړيكو ته د ودې وركولو په پاليسۍ عمل كوي۔ ده د افغانستان صورتحال په تناظر كښې په كوټلې سيمه ايزه لائحه جوړولو د خارجه وزير د ستړو ستائنه وكړه ۔ په دې موقع خارجه وزيرد ايران خپل همڅنګ ته د پاكستان دورې بلنه وركړه كومه چې ھغه په مننه قبوله كړه۔
