اسلام آباد 29دسمبر(اے پی پی) د مذهبي چارو وفاقي وزير پير نورالحق قادري وئېلي دي پاكستان د غېر مسلمه آبادۍ مسئلې حل كولو ته پام لرنه كوي۔د مذهبي چارو وزارت د پاكستان هندومندر منيجمنټ كمېټي جوړه كړې چې پكښې وړومبۍ غونډه د وفاقي وزير پير نورالحق قادري په مشرۍ كښې وشوه۔په دې موقع د متروكه وقف املاك بورډ چيئرمېن نوې جوړې كړی هندومندر منيجمنټ كمېټۍ ته بريفنګ وركړو۔په دې موقع ده ووئيل پاكستان به د هندومندر منيجېمنټ كمېټۍ د هندو عبادت ځايونو په اړه چارې تر سره كوي۔ په كمېټۍ كښې کرشن شرما، دیوان چاند چاوله، هارون سرب دیال، موهن داس، نرنجن کمار ،میګھا اروړا، امیت شادانی ،اشوک کمار، ورسی مل دیوانی، امر ناتھ رندھاوا شامل دي۔غونډې ته د مذهبي چارو وفاقي وزير پير نورالحق قادري ووئيل پاكستان د غېر مسلمه آبادۍ مسئلې په ترجيحي بنيادونو حل كوي٬د كمېټۍ جوړېدل به د پاكستاني هندو ټولنې مسئلو حل لپاره مرستياله ثابته شي۔په منطقه كښې د بېلو تهذيبونو او كلتوري خلكو ترمينځه د همغږۍ ودې خوښي لرو۔د كمېټۍ صر كرشن شرما د هندو ټولنې مسئلو حل لپاره په پليټ فارم جوړولو د حكومت مننه كولو سره ووئيل د هندو ټولنې په پخوانۍ غوښتنه د كمېټۍ جوړوېدو سره د پاكستان حكومت نوے تاريخ رقم كړے
