اسلام آباد۔19فروری(اے پی پی) د روغتيا قومي ادارې ( اېن آئی اېچ) وئيلي دي چې د تېرو 24 ساعتو په مهال په ګرد هېواد كښې د كورونا وائرس 30 کېسونه رپورټ شوي او د 13 رنځورانو حالت اندېښمن ښودلے شوے دے۔ د اتوار په ورځ د اېن آئي اېچ لخوا د جاري شويو شمېرو له مخې په ګرد هېواد كښې د تېرو 24 ساعتو په مهال 4 زره 483 ټېسټونه وكړې شول په كومو كښې چې د 30 كسانو ټېسټونه مثبت راغلي دي او دې حساب سره په دې موده كښې د كورونا مثبت ټېسټونو شرح 0.67 فیصده پاتې شوې ده۔ په دې مهال د كورونا وائرس د لاسه بل كوم رنځور په حق نه دے رسېدلې بياهم د 13 رنځورانو حالت اندېښمن دے۔ د هېواد په بېلو ښارونو كښې په شويو ټېسټونو كښې مثبت شرح په اسلام آباد كښې 1 ٬ لاهور كښې 0.77 ٬ پېښور كښې 0.74 او ګجرانواله كښې 0.28 فیصده ريكارډ كړې شوه۔
