اسلام آباد۔21اګست(اے پی پی) د بهرنیو چارو وزیر مخدوم شاه محمود قریشي د اسلامي تعاون تنظيم (او آئي سي) عمومي سېكترډاکټر یوسف العثیمین سره د تلیفون له لارې د افغانستان اوسني وضعیت په اړه خبرې کړې دي. د خالي په ورځ د خارجه دفتر لخوا جاري شوي بیان له مخې د بهرنیو چارو وزیر ووئیل چې پاکستان ٬ افغانستان كښې امن په ځائې كولو له د خپل مثبت او تعميري كردار ترسره كولو عزم لري۔ هغه هيله ښكاره كره چې افغان مشران به خپل منځه اختلافات ختمولو او يوې بشپړې سياسي تصفيې له د روانو خبرو اترو څخه ګټه پورته کړي۔مخدوم شاه محمود قریشي ووئیل چې په کابل کښې د روانو خبرو بریالیتوب به نه یوازې د افغانستان بلکې د ټولې سیمې لپاره ښه وګرځي۔ هغه ووئيل ضرورت د دې خبرې دې چې د افغان وګړو امنيت او د دوئي د حقونو تحفظ دې باوري كړې شي۔ خارجه وزير په نړيواله ورورولۍ زور راوړو چې ھغه د افغانستان بحالۍ او بيا رغونې لپاره افغان اولس سره مرسته كولو كښې خپل كردار ترسره كړي۔ هغه ووئيل اسلامي نړۍ هم مسؤليت لري چې د سوله ایز ، مستحكم او سوکاله افغانستان لپاره له افغانانو سره د پیوستون څرګندونه وكړي۔ مخدوم شاه محمود قرېشي ووئيل مونږ كابل كښې پراخه بنياد لرونكې حكومت غواړؤ۔ خارجه وزير د او آئي سي عمومي سېكتر د افغانستان دننه او بهر ځينو امن مخالف قوتونو (سپائیلرز) موجودګۍ خطر نه هم خبر كړو۔ د بهرنیو چارو وزیر هغه د پاکستان لخوا د بېلابېلو هیوادونو د سفارتي عملې ، د نړیوالو ادارو کارمندانو او د ميډيا د استازو د بیرته ستنیدو لپاره د پاكستان لخوا وړاندې كړې شوې مرستې نه هم خبر كړو۔ هغه هیله وښودله چې په کابل کښې د روانو خبرو بریالیتوب به په افغانستان کښې د تلپاتې سولې او ثبات لاره هواره کړي. د او آئي سي عمومي سېكتر ډاکټر یوسف العثیمین د بهرنیو چارو وزیر د افغانستان په اړه نن د اګست په 22 مه نېټه جدا كښې د كېدونكې غونډې او د او آئي سي اېګزېكټو كمېټۍ هنګامي غونډې په اړه هم خبر كړو۔
