اسلام آباد 19 اکتوبر(اے پي پي) د كورنيو چارو وفاقي وزير شېخ رشيد احمد پاكستان ته د داخلېدو هڅه كوونكي د هندي آبدوز په معلومولو پاك بحريه ته سلام وړاندے كولو سره د پاك بحريه د وظيفائي صلاحيتونو ستائنه كړې ده. د نهې په ورځ د كورنيو چارو وفاقي وزير په خپل يو بيان كښې ووئيل چې د پاكستان حدودو ته د داخلېدو هڅه كوونكي د هندي آبدوز په معلومولو پاك بحريه ته سلام وړاندے كوم. ده ووئيل چې د هېواد په دفاع كښې د پاك بحريه د وظيفائي صلاحيتونو د وړاندې نه معترف يم. روانه مياشت د حمزه آبدوز دورې سره مو د پاك بحريه په صلاحيتونو نور هم باور پوخ شوے. د كورنيو چارو وفاقي وزير ووئيل چې شايد د هند نه هېر وو چې پاك بحريه هم د نورو ځواكونو په شان مستعد او چټك وي. نړۍ دې د پاكستان په ضد د هند د جارحيت نوټس واخلي.
