اسلام آباد 29 ستمبر (اے پي پي) وزيراعظم عمران خان وئيلي دي چې د پاكستان پرمختګ لپاره به ټولو سيمو ته يو ډول پرمختګ وركول وي، په 70 كلونو كښې چې كومې سيمې د پرمختګ نه محروم ساتل شوې دي، د هغو پرمختګ زمونږ د حكومت وړومبې ترجيح ده، په كال 2013م كښې د جوړې شوې موټروېز لګښت د نن نه 20 كروړه روپې د يو كلوميټر زيات و، اېف آئي اے ته مو اختيار وركړے چې هغه د داسې پروژې پلټنې وكړي، قوم ته به داسې ټول تفصيلات وړاندې كوو، د پاكستان تر ټولو لويه مسئله كرپشن ده، سره د وسيلو په نړۍ كښې د غريب هېوادونو د غربت بنيادي وجه هم دا كرپشن دے. ده دا خبرې د شورو په ورځ په بلوچستان كښې د جهل جهاٶ- بېلپ لوئې لارې د بحالې او اپ ګرېډېشن د پروژې د بنياد تيګې كېښودو دستورې ته په خپله وېنا كښې وكړې. په دې موقع د بلوچستان وزيراعلٰی جام كمال خان او د مواصلاتو وفاقي وزير مراد سعيد هم وېنا وكړه. په دې موقع د قومي اسمبلۍ ډپټي سپيكر قاسم خان سوري هم موجود وو. وزيراعظم عمران خان په خپله وېنا كښې ووئيل چې د ن ليګ په دور كښې د جوړ شويو سړكونو په نسبت د 20 كروړه روپو په كم لګښت سړكونه جوړوو. په پخواني دور كښې د سړكونو په جوړولو كښې د كرپشن د پلټنو كولو مو وئيلي دي. ده ووئيل چې اېف آئي اے ته پوره مېنډېټ وركړے شوے چې هغه پلټنې وكړي او حقائق قوم ته وړاندې كړي او چې د قومي سرمايه د ضائع كولو د ذمه وارو ټاكنه وكړي. وزيراعظم ووئيل چې جهل جهاٶ- بېله لويه لار د بلوچستان بېلا بېلې سيمې تړلو لپاره ډېره مهمه پروژه ده. وزيراعظم په دې موقع ګډون كوونكو ته ووئيل چې د سكول په دور كښې چې كله هغه د هنزه په دوره لاړو نو هغه وخت په وړو وړو كليوالو سيمو كښې زمونږ تود هركلې وكړے شو. نن د لويو لارو په وجه هلته سېلګرې دوره وده كړې چې هلته په كورونو كښې هم خلقو كمرې په كرايه وركول پېل كړي دي. د هغه ځائ حالات مكمل بدل شوي دي. په بلوچستان كښې هم كه لويو لارو ته داسې پام وكړے شي نو دلته د سېلګرې پراخا موقعې موجود دي. د بلوچستان د پاكستان د ټولې رقبې 40 فيصده دے. په تېر وخت كښې دا نظرانداز كړے شوے ځكه چې سياسي د بلوچستان د پرمختګ په ځائ سياسي ګټې لپاره اقدامات شوي دي او بلوچستان وروستو پاتے شوے. زمونږ حكومت په 70 كلونو كښې د پاتې سيمو پرمختګ خپله ترجيح جوړه كړې ده. ده ووئيل چې چين د سي پيك د لوېديځ روټ ټاكنه دې لپاره كړې ده چې لوېديځ چين د پرمختګ په عمل كښې وروستو پاتې شوے و، كوم چې ګوادر سره تړل كېږي. وزيراعظم ووئيل چې چين د اوږدې مودې حكمت عملي اختيار كړې ده. مونږ هم په دې پلو روان يو. هېوادونه د اوږدې مودې پروژو د لارې د پرمختګ په لار روانېږي. وزيراعظم ووئيل چې د بلوچستان د وروستو پاتې كېدو ذمه وار د دې ځائ سياستدانان هم دي د كومو سوچ چې يوازې د خپلې حلقې پرمختګ او ټاكنو ګټلو ته و. وزيراعظم ووئيل چې په احساس پروګرام كښې مو سندھ ته 34 فيصده برخه وركړې، سره د دې چې په سندھ كښې زمونږ حكومت نه و ځكه چې هلته د غربت شرح زياته ده. زمونږ د حكومت پام د بلوچستان پرمختګ ته ده. دلته د ټول پاكستان په مقابله كښې د لويو لارو زيات ضرورت دے. ده ووئيل چې مونږ هڅه كوو چې كله مونږ خپل سكور كارډ وښايو چې پكښې تر ټولو زيات پرمختګ د بلوچستان وي. وفاقي او صوبائي حكومت به په بلوچستان كښې مثالي پرمختګ كوي. وزيراعظم د مراد سعيد او د هغه د ډلې ستائنه كولو سره ووئيل چې سړكونه جوړول مشكل كار نه دے خو په كم لګښت معياري سړكونه جوړول كمال دے. وزيراعظم عمران خان ووئيل چې د پاكستان تر ټولو لويه مسئله كرپشن ده. د اوللس پېسه او ټېكس غلا كړې شوې. د وسيلو سره چې كوم هېوادونه په نړۍ كښې وروستو پاتې شوي دي، د دې بنيادي وجه بدعنواني ده كوم هېوادونه چې خوشحال دي، هلته كرپشن نشته. وزيراعظم ووئيل چې بايد قوم د كرپشن د زيان نه خبر وي.
