اسلام آباد23اګست (اے پي پي) د اطلاعات او خپرونو وفاقي وزير چوهدري فواد حسېن وئيلي دي پاکستان او د مېنځنۍ آسياء ترمېنځه روابطو لپاره مستحكم٬ سوله ايز او سوكاله افغانستان ضروري دے٬ پاکستان په افغانستان كښې يو داسې حكومت غواړيچې پكښې د افعانستان د ټولو طبقو نمائندګي وي۔ دا خبرې وفاقي وزير د ازبکستان سفير اېبک عارف عثمانوف سره كړې چا چې د ګل په ورځ وفاقي وزير سره ملاقات كولو۔ وفاقي وزير ووئيل د دواړو هېوادونو ترمېنځه په ګټورو څانګو كښې مرستې سره به په بشپړه منطقه كښې د موقعو او خوشحالۍ نوې لارې پرانستلې شي۔ ده ووئيل د کراچۍ او تاشقند ترمېنځه د رېل پټلۍ جوړېدو او د پاکستان څخه د مېنځنۍ آسياء رسياستونو سره د رابطو خوب يوازې په افغانستان كښې امن او استحكام سره ممكن كېدے شي۔ د اطلاعات وفاقي وزير ووئيل پاکستان د خپل ورورو هېواد دوه اړخيزه اړيكو ته د قدر په سترګو ګوري او تاشقند سره په ټولو سيمه ايزو مسئلو په خاص توګه په افغانستان همغږۍ ته وده وركول غواړي۔ ده ووئيل د وزيراعظم عمران خان په دې وروستيو كښې د تاشقند دورې څخه دوه اړخيزه اړيكو نوے اړخ موندلے، دواړو ډلو د شريكې خوښې په ټولو څانګو كښې مرستې لپاره د عزم پخلے كړے۔ ده ووئيل ازبکستان د مېنځنۍ آسياء يو مهم هېواد دے او د دواړو هېوادونو ترمېنځه ژورو كلتوري اړيكو سره به په اولسي كچه روابط وده ومومي۔ د يادونې وړ ده پاکستان او ازبکستان د مغل شهنشاه ظهير الدين بابر او د اردو د نوموړي شاعر اسد الله خان غالب په ژوند فلم جوړولو ته صلاحيوه كړې ٬ په دې لړ كښې په وړاندېز د وزيراعظم د ازبکستان دورې په مهال غور شوے۔ د ملاقات په مهال په دې خبره صلاحراغلې چې په دې منصوبه پېل لپاره به د پوهانو ډلې جوړولې شي۔ په دې موقع د ازبکستا سفير په افغانستان كښې د ايسارو شوو خلقو انخلاء لپاره د پاکستان د کردار ستائنه كولو سره ووئيل په كابل كښې يو داسې حكومت پكار دےچې پكښې د افغانستان د ټولو ډلو نمائندګي وي۔ دهد ازبکستان تاريخي مقاماتو ثمر قند، بخاره او په صوفي ازم دستاويزي فلمونه په پي ټي وي د خپرولو د وړاندېز نه علاوه د دواړو هېوادونو ترمېنِځه د هر ډول سېلګرۍ ودې په ضرورت زور رواړو۔ د ملاقات په مهال د اطلاعات او خپرونو وزارت لوړ پوري هم موجود وو
