اسلام آباد 22 ستمبر (اے پي پي) د قامي اسمبلۍ سپيکر اسد قېصر وئيلي دي د انتخابي اصلاحاتو او نورو مسئلو پحقله د حكومت او اپوزيشن ترمېنځه ډېډلاك ختمولو لپاره جوائنټ ورکنګ پارلماني كمېټي جوړولو لته صلاح يوه شوې ، ټولو سياسي ګوندونو له پكار دي چې د سياسي اختلافاتو نه پس قامي مفادات لپاره كار وكړي لكه څنګه چې دا مهال هېواد معاشي او نړيوالو مسئلو سره مخ دے ۔ د شورو په ورځ نجي ټي وي سره په خبرو كښې ده ووئيل جوائنټ ورکنګ پارلماني کمېټي به د انتخابي اصلاحات او په راتلونكو ټولټاكنو كښې د اي وي اېم ټېكنالوجۍ كارولو پحقله ټولې مسئلې حل كوي۔ سپيكر اسد قېصر ووئيل دا د ټولو سياسي ګوندونو ذمه واري ده چې ھغوي مېنځنۍ لاره راوباسي او ټولې سياسي چارې هوارې كړي او قامي كاز لپاره په ګډه كار وكړي
