اسلام آباد۔23ستمبر(اے پی پی) هند په افغانستان كښې ناكامۍ او رسوائۍ سره مخ كېدو نه وروسته اوس دا پاكستان مخالف بيانيه جوړول غواړي چې اسلام آباد به كابل كښې د طالبانو قبضه د هند په غېر قانوني توګه نيولې شوي كشمير كښې ستونزې زياتولو له كاروي۔ د كشمير ميډيا سروس لخوا جاري كړې شوي يو رپورټ كښې وئيلي شوي چې د پاكستان په ضد د هندي پروپېګنډې مقصد د نړۍ پام په كشمير كښې روان ظلم او زياتي څخه بلخوا ګرځول او په نړۍ كښې د پاكستان په اړه منفي تاثر رامخے ته كول دي۔ رپورټ كښې وئيلي شوي دي چې د مودي فسطائي حكومت مقصد د خپلواكۍ ترلاسه كولو له د كشميري اولس روانې هڅې ترهګرۍ سره تړل دي دغسې چې هغوي مقبوضه سيمه كښې خپل ظلمونه لا زيات كړې شي۔ رپورټ كښې دا هم وئيلې شوي دي چې د دې خبرې امكانات سوا كېږي چې هند به د ترهګرۍ خپلې بيانيې ته وده وركولو له مقبوضه سيمه كښې يو بل جعلي آپرېش كوي۔ د کے اېم ایس رپورټ كښې وئيلي شوي چې هند به د پاكستان او د كشميري اولس د تحريك په ضد خپلو ناوړه ارادو كښې هېڅكله كامياب نه شي۔ رپورټ كښې دا هم وئيلي شوي چې پاكستان د هند په شمول كوم هم هېواد له دا اجازه نه ده وركړې چې هغه دې پاكستان په افغانستان كښې خپلو ناكامو لپاره د قربانۍ ګډورې جوړ كړي۔ رپورټ كښې په هند زور راوړلے شوے چې هغه دې د تورونو لګولو لوبه بندولو سره په منطقه كښې امن او استحكام لپاره كار وكړي۔
