اسلام آباد 15 مئي (اے پي پي) د كورنيو چارو وفاقي وزير رانا ثناالله په پېښور كښې سكھ ټولنې سره د تعلق لرونكو دوه پاكستانيانو د قتل سخته غندنه كړې او د پېښې رپورټ ئې طلب كړے دے. د كورنيو چارو وزير وئيلي دي چې د خېبر پښتونخوا حكومت د اقليتونو په تحفظ كښې په مكمل توګه پاتې راغلې. داسې پېښې وړاندې هم په خېبر پښتونخوا كښې رامېنځ ته شوې دي. ده ووئيل چې صوبائي حكومت او قانون نافذ كوونكې ادارې دې د پاكستاني وګړو حفاظت باوري كړي. د وزيراعظم د هدايت له مخې دې د رنجيت سنګھ او كنول سنګھ قاتلان ونيول شي. ده ووئيل چې د وژل شويو كسانو كورنيو سره غمرازي كوو او باور وركوو چې وفاقي حكومت به د مجرمانو نيولو لپاره صوبائي حكومت سره بشپړه مرسته كوي.
