بیجنګ۔22مئی (اے پی پی) خارجه وزير بلاول بهټو زرداري د اتوار په ورځ د چين سټېټ كونسلر او خارجه وزير وانګ ي سره د پاكستان او چين ترمينځه د سفارتي اړيكو 71 كلونو بشپړ كېدو په خوشحالۍ كښې كېك پرېكړو۔ خارجه وزير بلالو بھټو زرداري د وانګ ي په بلنه د چين په دوه ورځنۍ دوره دې او هغه د چين په ګوانګ ژو ښار كښې دې۔ د چينائي خارجه وزارت وياند ژاو لي جيان په خپل يو ټويټ كښې پاكستان او چين ته د سفارتي اړيكو په 71 مه سالګره مباركي وركړې ده۔ په چين كښې د پاكستان سفير معين الحق په خپل پېغام كښې وئيلي دي چې د پاك چين سفارتي اړيكو په 71 مه سالګره مونږ د دې لوظ پخلې كوؤ چې مونږ به خپل منځه دوستي لا مضبوطوؤ٬ ستراتېجيكي تړون به لا قوي كوؤ٬ ماحولياتي تړون مستحكم كولو سره به د اولس ترمينځه رابطو او تبادلو ته وده وركولې شي او دوه اړخيزه اړېكې به نوې بامونو ته رسولې شي۔ د پاکستان او چین ترمينځه د سفارتي اړيكو 71 مې سالګرې په موقعه خارجه وزير بلاول بھټو زردار د مئي 21 مې نېټې څخه د چين په دوره دې۔ د مئي په 21 مه نېټه كال 1951 د پاكستان او چين سفارتي اړيكې پېل كړې شوې۔ پاكستان د نوي جوړ شوي هېواد چين تسليمونكو اولنو هېوادونو كښې يو او چين سره سفارتي اړيكې جوړونكې اولنې اسلامي هېواد دے۔
