اسلام آباد 15 اګست (اے پی پی) د پي آئي اے وياند عبدالله خان په خپل وضاحتي بيان كښې وئيلي دي چې د كابل په هوائي اډه د پي آئي اے دواړه الوتكې پرواز لپاره په مكمل توګه تيارې وې كله چې د خاص پوځي تګ راتګ په سبب د ټول ائير لائنز د پروازونو تګ راتګ ودرول شو خو اوس د پي آئي اے وړومبې پرواز روانېدو لپاره تيار دے. وياند ووئيل چې د دې پوځي تګ راتګ په سبب د نور يو شمېر ائير لائنز الوتكې په هوا كښې د كوزېدو په انتظار وې. ده ووئيل چې د يو څو خاص الوتكو د راتګ نه پس زمونږ وړومبې الوتكې ته د پرواز اجازه وركړې شوې او د پي آئي اے وړومبې الوتكه پرواز لپاره تياره ده او په لږ وخت كښې به روانه شي.
