سرینګر۔23 اګست(اے پی پی)د هند پنجاب رياست سره تعلق لرونكے يو مسلمان وګړے كوم چې په غېر قانوني توګه د مقبوضه كشمير سرينګر ښار په سېنټرل جېل كښې نظر بند ؤ٬ په حق رسېدلے دے۔ د کشمیر میډیا سروس له مخې د محمد نديم مقدمه عدالت كښې ځنډ سره مخ وه او هغه په سېنټرل جېل كښې د زړه دورې له امله په حق ورسېد۔ د سركاري چارواكو له مخې ارواښاد د بډګام اولسوالۍ پوليس سټېشن خان صاحب كښې درج اېن ډي پي اېس سره اړوند كېس كښې نيولے شوے ؤ او د تېرې جولائي مياشتې په 15 مه نېټه د سرينګر سېنټرل جېل ته منتقل كړے شوے ؤ۔ چارواكو ووئيل چې د نديم پوسټ مارټم به پي سي آر كشمير كښې كولے شي۔
