اسلام آباد 15اکتوبر(اے پی پی)وزيراعظم عمران خان وئېلي دي بهر مېشته هنر مند پاكستانيان د هېواد قيمتي اثاثه ده٬ ځوانانو ته د نړيوال معيار له مخې وظيفائي تربيه وركولو ته حكومت پام لرنه كوي۔د جمعې په ورځ د وزيراعظم عمران خان په مشرۍ كښې د خاص پام لرنې وړ څانګو د جاج اخستنې غونډه وشوه۔وزيراعظم په غونډه كښې د بهر مېشته افرادي قوت٬د وړوكې او مينځنۍ درجې كاروبار لپاره د انتظامي طريقه كار آسانولو او د تفاهم په يادښتونو د پرمختګ څخه خبر كړے شو۔وزيراعظم ووئيل بهر مېشته هنر مند پاكستانيان د هېواد قيمتي اثاثه ده٬ځوانانو ته د نړيوال معيار له مخې وظيفائي تربيه وركولو ته حكومت وړومبۍ پام لرنه كوي ۔سفارتخانو ته په دې لړ كښې هدايت جاري كړے شوي٬په پاكستان كښې د هنر مند افرادي قوت په اړه په وړومبي ځل جامع حكمت عملي جوړه كړې شوې۔وزيراعظم هدايت وكړو چې په ترجيحي څانګو كښې اقدامات لپاره دې د ټاكلي وخت خاص خيال وساتلے شي۔په غونډه كښې د تعليم او تربيې وفاقي وزير شفقت محمود٬د تجارت صلاحكار عبدالرزاق داؤد٬د قامي سلامتيا صلاحكار ډاكټر معيد يوسف او اړوندو چارواكو ګډون وكړو۔په غونډه كښې د څلورو واړو صوبو چيف سېكرتريز هم د وېډيو لنك د لارې ګډون كولو
