اسلام آباد۔29دسمبر (اے پي پي) د اطلاعاتو او خپرونو وزير مملكت فرخ حبيب وئيلي دي تېر کال د وزيراعظم عمران خان د کاروبار دوسته تګلارو په نتيجه کښې د پي ټي ائي په حکومت كښې کارپورېټ سېکټر ته 929 اربه روپۍ خالصه ګټه ترلاسه شوه٬ د نون ليګ په دور كښې په كال 2018 كښې دا منافع 587 اربه روپۍ وه۔ د شورؤ په ورځ په خپل ټويټ كښې وزير مملكت فرخ حبيب ووئيل د پي ټي آئي حکومت په مهال د كمپنيو په رجسټرېشن كښې 44 فيصده اضافې سره نزدې 70 زرنوې كمپنۍ رجسټرډ شوې۔ هغه ووئيل د روان مالي كال په اولنۍ ربع كښې دې كمپنيو ته د 258 ارب روپو ګټه ترلاسه شوه۔ فرخ حبيب ووئيل د پي ټي آئي حكومت د درې كلونو په مهال په بېلو څانګو كښې د ترقۍ ريكارډ مات كړې دې۔ د کورونا وائرس باوجود په رئيل سټېټ سېکټر كښې 494 فيصده ،د آئي ټي په څانګه كښې 194 فيصده او د سېلګرۍ په څانګه كښې 136 فيصده معاشي ترقي شوې ده۔
