اسلام آباد۔2مارچ(اے پی پی) وزير اعظم عمران خان وئيلي دي تر راروان كال به كاروبار او كورونه جوړولو له 45 لكه كورنيو ته د خپل كاروبار پېل كولو او كورونه جوړولو له د يو زر اربه روپو د سود نه پاكې قرضې وركولې شي، كورونه جوړولو له بېنكونو تر دې دمه د 45 اربه روپو قرضې وركړې دي ٬ په تېر دې وخت كښې د دې مثال نه ترلاسه كېږي ، د روانې مياشتې تر پايې به د پنجاب هرې يوې كورنۍ سره صحت كارډ وي، څومره زيات ټېكس چې جمع كېږي د اولس په خېر ښېګړه به مصرف كولې شي ٬ پاكستان مو په هغه لاره روان كړې د كوم خوب چې علامه اقبال ليدلې وو۔ د دې خيالاتو څرګندونه ده د كامياب پاكستان پروګرام لاندې په فېصل مسجد كښی د سود نه پاكو قرضو اجرا دستورې ته خطاب كښې وكړه۔ وزیراعظم ووئيل د پاكستان د جوړولو مقصد يو مثالي اسلامي فلاحي رياست جوړول وو۔ نبی کریم ﷺ چې مدينې كوم مثالي رياست جوړ كړو په هغې كښې څوك د قانون نه بالاتر نه وو او رياست د ټولنې د كمزورې طبقې ذمه واري اخستې وه۔ هغه ووئيل د بده مرغه غېر اسلامي هېوادونو د مدينې رياست په زرينو اصولو عمل كولو سره پرمخټګ وكړو او د سوكالۍ په لاره روان شول او مسلمانان د دې په پرېښودلو مخ په ښكته روان شول۔ ده ووئيل اېف بي آر ريكارډ ټېكس جمع كړې دې ٬حكومت اولس ته ريليف وركولو له د پټرول او برېښنا په نرخونو كښې كمې كړې دې٬ بلخوا په نړۍ كښې نرخونه مخ په بره روان دي٬ مونږ سره چې څومره هم پېسه وي هغه به په اولس مصرف كولې شي۔ وزیراعظم ووئيل 45 لکه كورنيو ته د سود نه پاكې قرضې وركول پېل شوي دي ٬ د دې پېل د وروستو پاتې سيمو نه شوې۔ په كليو كښې به تر 3 لكه او ښارونو كښې به تر 5 لكه روپۍ قرضه وركولې شي دغسې چې خلق خپل روزګار پېل كړې شي۔ كور جوړولو له به 20 لكه روپۍ وركولې شي۔ حکومت به ځوانانو ته بېل هنرونه ښائي دغسې چې هغوي د خپل روزګار كولو جوګه كړې شي۔ هغه ووئيل د آئي ټي په څانګه كښې بلها موقعې موجود دي۔ ځوانانو ته د 6 نه تر 12 مياشتو موده كښې د آئي ټي ضروري تربيه وركولې كېدې شي۔ هغه ووئيل په كراچۍ كښې 40 فیصده خلك په كچي آبادي كښې ژوند كوي۔ د حکومتی ګامونو له امله بېنك تنخواه دارې طبقې ته كورونه جوړولو له قرضې وركوي۔ تر دې دمه د 55 اربه روپو قرضې وركړې شوي دي۔ دې نه وړاندې وزيراعظم عمران خان د كامياب پروګرام لاندې د سود نه پاكې قرضې ترلاسه كوؤنكو وګړو ته چېكونه وركړل۔ دستورې ته خطاب كښی د اخوت فاؤنډېشن چيئرمېن ډاكتر امجد ثاقب ووئيل د ننۍ ورځې سحر يو نوې هيلې سره راغلې دې۔ اخوت فاؤنډېشن 22 كله څخه د سود نه پاكې قرضې وركوي۔ هغه وئيل د كامياب پاكستان پروګرام د لاندې به د سود نه پاكې قرضې وركولې شي۔ هغه ووئيل زمونږ هڅه ده چې عام وګړي ته روزګار وركړې شي۔ هغه ووئيل رياست مدينه يوه استعاره ده چې مراد ترېنه يو داسې ټولنه جوړول دي په كومه كښې چې سماجي او معاشي انصاف وي۔هغه ووئيل كامياب پاكسان پروګرام د مواخات مدينه په څير كار كوي او د وزيراعظم د وژن عكاسي كوي۔
