لاهور۔13اکتوبر(اے پی پی) د اطلاعات او خپرونو نګران وفاقي وزير مرتضی سولنګي د جمعې په ورځ د رېډيو پاكستان لاهور دوره وكړه۔ اسټېشن ډائرېکټر جاوید اختر او نوموړي فنكار خالد عباس ډار وفاقي وزير ته هركلے اووې او ده ته يۍ ګلدسته وركړه۔ وفاقی وزیر د رېډيو په ودانۍ كښې پخواني څيزونه وكتل ٬ د دې يۍ جاج واخست او د پخوانۍ پيانو په غږولو يۍ موجود ټول خلق حېرانه كړل۔ وفاقی وزیر د میوزک لائبریرۍ، پوډ کاسټ اسټوډیو او د نیوز اېنډ کرنټ افیئرز چینل پشمول د رېډيو پاكستان د بېلو برخو دوره وكړه۔ په نيوز اېنډ كرنټ افيئرز لاهور ان سائيټ پروګرام كښې وفاقي وزير د خپلو خيالاتو څرګندونه هم وكړه۔ ده د رېډيو عملې مسئلې واورېدلې او د زړو مسئلو په اړه يۍ د بشپړ بريفنګ وړاندې كولو هدايت وكړو۔ ده عملې ته د هغوي د ګيلو لرې كولو باور هم وركړو۔ د رېډیو سټېشن ډائرېکټر جاوید اختر وفاقی وزیرته د رېډيو پاكستان د كار په اړه بريفنګ وركړو او ده ته يۍ ووئيل د رېډیو پاکستان لاهور په لابي كښی د تاريخي سندرغاړو او فنكارانو عكسونه لګولې شوي دي۔
