لاهور 28 جون (اے پي پي) وزيراعظم شهباز شريف د خزانې وزير په مشرۍ كښې د قامي ايئر لائن تنظيم نو، اصلاحات او بحالۍ لپاره د لوړې كچې كمېټي جوړه كړې٬ كمېټي به د اختر نه پس د پي آئي اے پحقله خپل وړاندېزونه او سفارشات كمېټۍ ته وړاندې كوي٬ وزيراعظم وئيلي چې د تېر حكومت د نااهلۍ له امله قامي ايئر لائن ته د اربونو روپو زيان رسېدلې او د دوي نااهل وزيرانو نړيوال سرمايه كار٬ د چين کمپنۍ او د تركيه كاروباريان انتقام سره مخ كړي٬ قامي ايئر لائن د زيان نه رېسكيو كولو لپاره اصلاحات ضروري دي۔ د شورو په ورځ د وزيراعظم آفس ميډيا ونګ لخوا د جاري بيان له مخې د وزيراعظم شهباز شريف په مشرۍ كښې د پاکستان انټرنيشنل ايئر لائنز په اړه د لوړې كچې غونډه شوې چې پكښې د رېلوے او هوابازۍ وفاقي وزير خواجه سعد رفيق وزيراعظم ته د پي آئي اے بهترۍ لپاره د مجوزه روډ مېپ او اصلاحاتو پحقله تفصيلي بريفنګ وركړو۔ د بريفنګ په مهال ووئيل شول چې قامي ايئر لائن د موجوده بحران نه بهر كولو لپاره به په بېړۍ كښې د الوتكو شمېره د 27 نه زياتولو سره 49 كول وي۔ وزيراعظم د وفاقي وزير خواجه سعد رفيق د پي آئي اے پحقله د هلو ځلو ستائنه وكړه۔وزيراعظم په غونډه كښې د خبرو په مهال ووئيل چې قامي ايئر لائن خسارې څخه د وتلو استعداد لري۔ وزيراعظم ووئيل د تېر حكومت د غېر ذمه وارانه بيانونو له امله قامي ائير لائن د اروپا او امريكې فضائي لارې د لاسه وركړې دي، د تېر حكومت د دې نااهلۍ له امله قامي ايېر لائن ته د اربونو روپو زيان رسېدلے، او د دوي نااهل وزيرانو نړيوال سرمايه كار٬ د چين کمپنۍ او د تركيه كاروباريان انتقام سره مخ كړي۔ ده ووئيل حكومت داسې پاليسي نظام پلو قدم اخلي چرته چې به د حكومت كار پاليسي جوړول ٬ پرېكړې كول او سرمايه كارو او كاروباريانو او كمپنو ته سهولتونه وركول وي۔ په غونډه كښې وفاقي وزيرانو خواجه سعد رفيق، اعظم نذير تارړ، د وزيراعظم سلاحكار احد خان چيمه او اړوند چارواكو ګډون وكړو۔ د دې نه علاوه وفاقي وزيرانو سيد نويد قمر، محمد اسحاق ډار، احسن اقبال، خاص مرستيال محمد جهانزيب خان او اړوند چارواكو د وېډيو لنك د لارې ګډون كولو۔ غونډه كښې وزيراعظم د پي آئي اے تنظيمِ نو، اصلاحات او د بحالۍ پحقله يوه كمېټي جوړه كړه په غړو كښې به ئې وفاقي وزيران اسحاق ډار، خواجه سعد رفيق، احسن اقبال، سيد نويد قمر، خاص مرستيال جهانزيب خان او د ايوې ايشن سېكتر شامل وي۔ دا كمېټي به د اسحاق ډار په مشرۍ كښې د پي آئي اے تنظيم نو او د بحالۍ پحقله د بېلا بېلو افشزن جاج اخلي او په دې لړ كښې به خپل سفارشات د اختر نه پس كابينې ته وړاندې كوي
