كوهاټ 07 دسمبر (اے پي پي) نګران وزیراعظم انوار الحق كاكړ وئيلي دي جدید تعلیم ته پام لرنه كوو ، تعلیم یافته ځوانان د قام روښانه سباؤن دے، استاذان په تعلیمی نظام كښې مهم كردار ترسره كوي، د تعليم په مهال دوي زده كوونكې د سباؤن چیلنجونو مخنيوي لپاره چمتو كوي۔د دې خيالاتو څرګندونه ده د زيارت په ورځ د كوهاټ په كیډټ كالج كښې 58مې د مور پلار ورځې دستورې ته وينا كښې وكړه۔ نګران وزیراعظم ووئيل د كیډټ كالج 58مه د مور پلار ورځ دستوره كښې ګډون او كیډټس ته مخاطب كيدل زما لپاره د درناوي خبره ده۔ده ووئيل جدید تعلیم او په خاص توګه سائنس او ټیكنالوجی د كوم هم قام د پرمختګ ضمانت دے۔ مونږ له به د جدید تعلیم ترلاسه كولو لپاره اقدامات كول وي۔ وزیراعظم ووئيل استاذان په تعلیمی نظام كښې په زړه پوري حیثیت لري۔د مور پلار هم ذمه واري ده چې خپلو بچو له جديد تعليم وركړي۔ وزیراعظم ووئيل د كوهاټ كیډټ كالج عمر له ښې نتيجې وركړې۔ وزیراعظم ووئيل دې كالج كښې ما زده كړې كړي۔زه په 1984كښې د بلوچستان د يوې پسمانده سيمې څخه تعلیم لپاره دې كالج ته راغلے ووم۔ زه په ژوند كښې چې دې مقام ته رارسيدلے يم د دې ټول درناوے زما د دې كالج د علمي استاذانو دے۔ وزیراعظم كیډټس ته تلقین وكړو چې به خوارۍ ، ایماندارۍ او په مينه مخ په وړاندې لاړ شې ،تاسو ته به په ژوند كښې ډير چیلنجونه درمخې ته وي،ستونزي به راځي خو كامیابی هم ستاسو مقدر دے۔ وزیراعظم ووئيل يو ښه انسان جوړيدل د ژوند د ټولو لويه كامیابی ده۔ دستورې ته وينا كښې نګران وزیراعظم چا چې دې كیډټ كالج څخه زدكړې ترلاسه كړې د خپلو ډيرو استاذانو په نامو اغستلو سره وزیراعظم ژړغونے شو۔وزیراعظم ووئيل ما كښې چې نن څه هم ښه دي د دې كريډټ زما د استاذانو دے ۔دې څخه وړاندې پرنسپل بریګیډیئر (ر) طفیل محمد خان ووئيل د كوهاټ كیډټ كالج عمر له ښې نتيجې وركړې او د بورډ په امتحانات كښې ئې ټاپ پوزیشن ترلاسه كړے ۔دې نه ځانله هم نصابی هلو ځلو كښې هم د ښې كاركردګۍ څرګندونه كوي۔ د كالج څخه فارغ شوي زدكوونكي په بيلو څانګو كښې په زړه پوري خذمات ترسره كوي۔دغسې وزیراعظم د كیډټس د پریډ معائنه وكړه۔ وزیراعظم ته د كیډټس يوې چټك ډلې سلامی هم وكركړه او هغوي د چیمپئن شپ بيرغ رستم هاؤس ته وسپارلو۔په دې موقع چیئرمېن بورډ آف ګورنر میجر جنرل ذوالفقار علی بھټی هم موجود ؤ۔ وزیراعظم د كیډټس د اړخه د اس سورلۍ ، نیزه بازۍ او جماسټكس مظاهره هم وكتله۔وزیراعظم نصابي او هم نصابی هلو ځلو كښې د ښې كاركردګۍ مظاهره كوونكو كیډټس له انعامات هم وركړل دغسې د كوهاټ كیډټ كالج پرنسپل وزیراعظم ته د كالج سوونیئر وركړو۔
