اسلام آباد 20 دسمبر(اے پي پي) د اطلاعاتو او خپرونو وفاقي وزير چوهدري فواد حسېن وئيلي دي چې عمران خان د طاقتور بلدياتي نظام جوړولو لوظ پوره كړو، د تېر وخت په بلدياتي ټاكنو كښې به اعلٰی وزيران ډكټېټر جوړولې شول، د خېبر پښتونخوا په بلدياتي ټاكنو كښې پاكستان تحريك انصاف په 17 تحصيل چوكو كاميابي ترلاسه كړې، د خېبر پښتونخوا په بلدياتي ټاكنو كښې په يو شمېر سيمو كښې د پي ټي آئي پلوي آزاد كانديدان بريالي شوي دي، كه د پاكستان تحريك انصاف په مقابله كښې د ګوندونو موازنه وكړې شي نو په پنجاب كښې د پي ټي آئي مقابله يو ګوند سره، په سندھ كښې بل او په خېبر پښتونخوا كښې كوم دريم ګوند سره ده، د عمران خان په مقابله كښې د بلاول او مريم نواز حيثيت د سياسي ماشومانو په شان دے. د ګل په ورځ په خپل يو بيان كښې د اطلاعاتو او خپرونو وفاقي وزير ووئيل چې كه د خېبر پښتونخوا د بلدياتي ټاكنو نتيجې ا و د نورو ټاكنو نتيجې وكتلې شي نو د پاكستان تحريك انصاف ووټ بېنك مختلف نه دے، عمران خان د طاقتور بلدياتي نظام چې كوم لوظ كړے و، هغه ئې پوره كړو. د عمران خان او پي ټي آئي مقبوليت لا هم موجود دے. ده ووئيل چې د خېبر پښتونخوا په ټاكنو كښې د پي ټي آئي څلور څلور كسانو په يو شمېر سيمو كښې د آزاد كانديد په توګه برخه اخيستې، كه د پي ټي آئي او د دې آزاد كانديدانو ووټ يو ځائ كړے شي نو دا ووټ بېنك د پاكستان تحريك انصاف دے. د خېبر پښتونخوا د بلدياتي ټاكنو نه يوه خبره ثابته شوې چې د پيپلز ګوند او ن ليګ نه علاوه هم په خېبر پښتونخوا كښې د نورو سيمه ايزو ګوندونو ووټ بېنك موجود دے. ده ووئيل چې كه د پاكستان تحريك انصاف په مقابله كښې د ګوندونو موازنه وكړې شي نو په پنجاب كښې د پي ټي آئي مقابله يو ګوند سره، په سندھ كښې بل او په خېبر پښتونخوا كښې كوم دريم ګوند سره ده.ده ووئيل چې كه په پي ټي آئي كښې د ټكټس وېش درست كړے شي او يو كانديد د پي ټي آئي په ټاكنو كښې برخه واخلي نو بيا به د ووټ بېنك درست اندازه وكړې شي چې زمونږ څوك هم مقابله نه شي كولې. ده ووئيل چې په سندھ كښې چې كوم صورتحال دے هغه د ټولو په وړاندې دے، د خېبر پښتونخوا د بلدياتي ټاكنو د نتيجو څخه مونږ هېڅ پرېشاني نه لرو، په مېكانزم د نظرثانې كولو ضرورت دے خو په دې ټاكنو كښې د پي ټي آئي غېر مقبوليت نه څرګندېږي. وفاقي وزير ووئيل چې په خېبر پښتونخوا كښې د دوهم پړاٶ ټاكنې او په پنجاب كښې به ټاكنې په وخت كېږي، مونږ ګڼو چې د ځائي حكومتونو نظام هېواد لپاره ډېر ضروري دے. ده ووئيل چې په پنجاب كښې به ټاكنې د پي ټي آئي او ن ليګ او په سندھ كښې به د پي ټي آئي او پي پي پي ترمېنځه كېږي. پاتې وړوكي مېلمانه اداكاران دي، دوي به خبرې كوي.
