اسلام آباد 07 جولائي (اے پي پي) د اسلام آباد او لاهور پشمول د پنجاب په بېلا بېلو سيمو كښې د اوسنيو بارانونو او ختيز دريابونو كښې د اوبو كچه كښې اضافې سره د ممكنه خطرو له مخې نېشنل ډيزاسټر مينجمنټ اتھارټۍ ټولو اړوند ادارو ته د الرټ پاتې كېدو او د موثره لائحې خپلولو امر كړې دې۔ تېره ورځ په نېشنل اېمرجنسي آپريشنز سنټر كښې د ممكنه سېلاب مخنيوي لپاره ټولو اړوند ادارو سره كنفرنس د نېشنل ډيزاسټر مېنجمنټ (اېن ډي اېم اے) چيئرمېن لېفټيننټ جنرال انعام حېدر ملك په مشرۍ كښې شوې چې پكښې صوبائي ډيزاسټر مينجمنټ اتھارټي، پنجاب، د پاكستان موسمياتو څانګې، فيډرل فلډ کمېشن، نكاس آب لپاره صوبائي ادارې (ارسا)، واپډا (منګلا ډيم) او د ريسکيو 1122 چارواكو پشمول مهمو مرستيالو او اړوندو ادارو ګډون وكړو۔ د موسمياتو څانګې چارواكو لخوا په بريفنګ كښې ووئيل شول چې د پشكال بارانوون كښې د غېر معمولي شدت امكان دے او د 8م نه تر 10مې جولائي په دريائے ستلج، راوي، چناب برا سيمو او جهلم كښې په اوبو كښې د زياتوالي امكان دے۔ په دريائے چناب كښې د اوبو غېر معمولي اضافې سره د لوے درجے سېلاب خطر دے، د موسمياتو څانګه اړوند ادارو سره هر درې ساعته پس اپ ډېټس شيئر كوي۔ د اېن ډي اېم اے چيئرمېن د ممكنه سېلابي صورتحال جاج او د خطرو مخنيوي لپاره د الرټ پاتې كېدو او د فعاله اقداماتو د كولو په اهميت زو رواړو۔ ده اړوند چارواكو ته امر وكړو چې ھغوي دې فرضي مشقونه او په وخت حفاظتي اقدامات باوري كولو سره خپلې تيارۍ بشپړې كړي۔ ده ووئيل چې نيشنل ايمرجنسي آپريشن سينټر ټولې معاون ادارې او اولس خبر ساتلو لپاره نړيوال ماډلز كارولو سره د ټولو صورتحال هر وخت په نګرانۍ كښې مصروف ده۔ ده فېډرل فلډ کمېشن ته امر وكړو چې ھغه دې د هېواد ټولو ذكر شوې ادارو سره هر وخت په رابطه كښې وسي او د اوبو نكاسۍ نه علاوه په بندونو كښې د اوبو ذخيزه كولو پحقله دې هم ضروري اقدامات وكړې شي ۔ اېن ډي اېم اے اولس ته اپيل كړې دې چې ھغوي دې د پشكال او د بارانونو نه ځان خبر ساتي او د هنګامي صورتحال په مهال دې د ځائي انتظاميې په هداياتو عمل وكړۍ
