كراچي 27 ستمبر (اے پي پي)وزيراعظم عمران خان وئېلي دي چې وفاقي حكومت د كراچۍ سركلر رېلوے پروژې لپاره پوخ عزم لري٬د ستونزو حل لپاره به وفاقي او صوبائي حكومتونو ته په ګډه كار كول وي٬د بنډل آئي لينډ پروژې سره به كراچۍ ته سرمايه كاري راشي٬دا پروژه سنده او ټول پاكستان لپاره ګټوره ده٬د كراچۍ په ټرانسفارمېشن پلان عملدرآمد خوشبينه دے۔ده دا خبرې د ګل په ورځ په كراچۍ كښې د جديد سركلر رېلوے پروژې د بنياد تيګې كېښودو دستورې ته په خپله وېنا كښې وكړې۔په دې موقع د سندھ ګورنر عمران اسماعيل٬د سندھ وزيراعلٰی مراد علي شاه٬د اطلاعاتو او خپرونو وفاقي وزير چوهدري فواد حسېن٬د بحري چارو وفاقي وزير سيد علي زيدي٬د منصوبه بندۍ وفاقي وزير اسد عمر او د رېلوے وفاقي وزير اعظم سواتي هم موجود وو۔وزيراعظم ووئيل چې كراچۍ پاكستان لپاره ډېره د اهميت وړ ده۔د ټولو لويو هېوادونو په پرمختګ ګښې كوم يو لويې ښار ليډ كولو سره په نظر راځي٬د كراچۍ اهميت هم دغسې دې خو له بده مرغه په تېر وخت كښې كله چې كراچۍ د پرمختګ په لاره روانه شوې نو انتشار سره مخ شوې۔وزيراعظم ووئيل چې مونږ د كراچۍ پرمختګ لپاره د كراچۍ ټرانسفارمېشن پلان جوړ كړو٬وفاقي او صوبائي حكومت د كراچۍ پرمختګ لپاره په ګډه پريكړې وكړې٬د كراچۍ پرمختګ٬يوازې كراچۍ لپاره نه بلكې ټول پاكستان لپاره ګټور دے۔دا داسې ښار دې چرته چې د ټولې نړۍ څخه سرمايه كاري راتلې شي۔وزيراعظم ووئيل چې د سي آر پروژه به ټوله كراچۍ يو بل سره وتړي٬دې سره به په لويو لارو د ټرافېك فشار كم شي۔ده ووئيل چې د ګرين لائن بس سروس هم مهمه پروژه ده٬كراچۍ په تندۍ سره خپرېږي٬د دې دوهمه لويه مسئله د اوبو ده٬د واپډا چيِئرمېن سره په دې لړ كښې خبره شوې٬كراچۍ ته د اوبو وركولو پروژه به په وخت ترسره كېږي٬په دوه كلونو كښې دننه به په كراچۍ كښې د اوبو مسئله حل شي۔وزيراعظم ووئيل چې سره د سياسي اختلافاتو د سندھ او د هېواد په خاطر د كراچۍ مسئلو حل كولو لپاره به وفاقي او صوبائي حكومتونو ته په ګډه كار كول وي۔ده ووئيل چې په دې خوشحاله يم چې د كراچۍ په ټرانسفارمېشن پلان عمل كېږي۔د دې څخه وړاندې وفاقي وزير اسد عمر په خپله وېنا كښې ووئيل چې وفاق چې د كومو پنځو لويو پروژو ذمه واري اخستې وه په ټولو پرمختګ روان دے٬د رېلوے وفاقي وزير اعظم سواتي هم دستورې ته وېنا وكړه او وې وئېل چې د كراچۍ معاشي او اقتصادي اهميت منلې شوې٬اوسني حكومت د رېلوے تاريخې پروژې پېل كړې دي٬د دې څخه وړاندې وزيراعظم په كراچۍ كښې د جديد سركلر رېلوے د پروژې د بنياد تيګه كېښوده۔دا پروژه به د 207 ارب روپو په مجموعي لګښت ترسره كولې شي۔
