اسلام آباد۔10اکتوبر (اے پی پی) وزیراعظم عمران خان د سيرت النبي ﷺ او د مدينې رياست په بېلو اړخونو تحقيق لپاره په خپله مشرۍ كښې د رحمة للعالمين اتھارټي جوړولو اعلان كولو سره ووئيل دا اتھارټي به نه يوازې د سكولونو په نصاب كښې بلكې په سوشل ميډيا د نازېبا موادو هم مانيټرنګ كوي۔ مونږ به خپل هېواد هغه اړخ ته بوځو كوم لپاره چې دا 74 كاله وړاندې جوړ كړے شو ، كوچنيان خپل ثقافت نه خبرولو له به كارټون سيريز جوړوؤ۔ هغه د اتوار په ورځ د رحمة للعالمين ﷺ عشرې مركزي دستورې ته خطاب كولو۔ په دې موقعه د مذهبونو ترمينځه د همغږۍ وفاقي وزير پير نور الحق هم دستورې ته خطاب وكړو۔ دستوره كښې د وفاقي وزيرانو په شمول ګڼ شمېر مذهبي سكالرانو هم ګډون كولو۔ وزيراعظم ووئيل د رحمة للعالمين لسيزې په پېل كولو وياړ محسوسوم٬ كله چې كومه ټولنه د پرمختګ په لاره روانه شي نو د دې بنياد د مدينې رياست په اصولو عمل دے ٬ كه د مدينې رياست په اصولو روان شؤ نو هېواد به پرمختګ وكړي ٬ اسلامی فلاحی ریاست جوړېدل پاكستان لپاره ضروري دي٬ د مدينې رياست بنياد په انسانيت او د انصاف په نظام ؤ۔ هغه ووئيل طاقتور كله هم انصاف نه غواړي بلكه هغه اېن آر او غواړي۔ هغه ووئيل د فېنګ آئي مشن لمخې د هېوادونو د بې وزله پاتې كېدو بنيادي سبب كرپشن دے٬ كه په پورته كچه د اربونو روپو كرپشن كېږي نو كلرك او پټواري نيولو سره به كرپشن ختم نه شي۔ چین د وزيرانو په شمول 450 نه زيات كسان زندانونو كښې واچول٬ په نړۍ كښې چې كوم هېوادونه سوكاله دي دغلته د قانون حاكميت دے۔ هغه ووئيل ما ډېر وروسته د سيرت النبي ﷺ مطالعه پیل وكړه٬ زه روزانه خپله محاسبه كوم٬ د پاكستان تر ټولو لويه مسئله د مشرتابې نشتوالې دې ٬ زمونږ د ځوانانو رول ماډل بايد نبي ﷺ وي ٬ كومه هم ټولنه د اخلاقيات نه غېر پرمختګ كولې نه شي۔ هغه ووئيل نبی آخرالزمان ﷺ تر ټولو زيات زور د تعليم په حاجت راوړو٬ د مېرمنو او سړو په تعليم ئې زور راوړو ٬ تر 5 سوه كال په نړۍ كښې تر ټولو لويې سائنسدانان مسلمانان وو۔ وزیراعظم ووئيل مونږ له به په قرآن ځان پوهول وي٬ حضرت محمد ﷺ ټولو انسانانو لپاره رحمة للعالمين جوړ كړے شو راغلے ؤ ٬ په دغه دور كښې د انصاف دا حال ؤ چې د وخت خليفه حضرت علي د يو يهودي په مقابله كښې كېس كښی پاتے راغلو۔ هغه ووئيل مونږ له به د كرپشن مخنيوي له ټولنه متحرك كول وي۔ هغه وئيل د كال 1970نه وروسته پاكستان كښی په ټولو ټول ټاكنو كښې هغې ګوند د ټګۍ تور لګولې كومه چې پاتې راغلې ده۔ په ټاكنو كښې ټګي كوؤنكي نه غواړي چې نظام كښې بهتري رامخې ته كړې شي۔ وزیراعظم ووئيل رحمة للعالمین اتھارټي به جوړه كړې شي د كومې مشري به چې زه پخپله كوم او د قرآن پاك تفسير لپاره به ځانګړې مقام لرونكې سكالر د دې چيئرمېن جوړولې شي۔ په دې د بره به يو انټرنېشنل اېډوائزری کمېشن جوړولې شي ٬ دا اتھارټي به نړۍ ته د اسلام حقيقي څېره وړاندې كوي ٬ د سكولونو نصاب ښه كولو له به اتھارټي اقدامات تجويز كوي٬ د دې اتھارټي ترسېوري لاندې به د پوهنتون په كچه ريسرچ ته وده وركولې شي۔ هغه ووئيل د كال 625ھ نه تر 636ھ هغه څه داسې وشؤ چې عرب د نړۍ حكمرانان شول ، په دې اړه به هم تحقيق كولو سره نړۍ خبر كړؤ۔ وزيراعظم ووئيل اسلام كښې د غلام هم د خپلې كورنۍ د كسانو په شان د خيال ساتلو درس وركړے شوے دے او هم دغه سبب دے چې دا غلامان بادشاهان هم جوړ شول٬ بلخوا په امريكا كښې نن هم سياه فام د ټولنې برخه نه شي جوړېدې۔ دا اسلام ؤ كوم چې د افريقې خلكو ته هم يو ډول حقونه وركړل۔ وزيراعظم فحاشي مهمه معاشرتي خرابي ګرځولو سره ووئيل كله چې مونږ د فحاشۍ خبره كوؤ نو خپل ځان ته لبرل ويونكې يوه طبقه شور كوي ، د فحاشۍ اثرات په خانداني نظام پرېوځي ، مونږ له به خپل ځوانان ددې معاشرتي اثراتو نه خبرول وي ، موبائل فون ټوله نړۍ بدله كړې ده٬ په دې كښې داسې مواد ترلاسه كېږي كوم چې تاريخ كښې مثال نه لري ٬ دا يو چېلنج دے۔ هغه ووئيل زمونږ په دين كښې كوم جبر نشته مونږ له به كوچنيانو ته يو اړخ ښودل وي دغسې چې هغوي ته دا معلومه شي چې په كومه لاره تللو سره به هغوي كاميابي ترلاسه كړي۔ هغه ووئيل د هالي ووډ او بالي ووډ د لاسه خانداني نظام وځپلې شو٬ مونږ ددې په مقابله كښې خپل ځوان كول د اسلامي تاريخ نه خبرولو له د تركيه نه ارطغرل ډرامه راوړله ، دا ډرامه د ترك صدر رجب طيب اردوان په خصوصي هدايت جوړه كړې شوې ده ولې چې د هغه ټولنه زياتو مسئلو سره مخ ده۔ هغه ووئيل كوچنيانو ته ښودونكي كارټون پروګرامونه زمونږ كلتور سره سمون نه لري ، دې سره د كوچنيانو تربيت ځپلې كېږي۔ هغه ووئيل په قصور كښې په جنسي پېښو رپورټ ډېر خوفناك دے٬ په جنسي جرمونو قابو موندلو له به ټولې ټولنې له كار كول وي۔ هغه ووئيل زمونږ په دين كښې د مور پلار مرتبه ډېره اوچته ده٬ د بده مرغه مونږ د مور پلار د كورونو نه د نه ويستلو په اړه قانون جوړولو ته مجبور شؤ۔ هغه ووئيل په ټولنه كښې خانداني نظام بچ كولو له به زمونږ سكالرانو له په دې خبره كول وي۔ زمونږ په ټولنه كښې د طلاق په شرح كښې اضافه د اندېښنې وړ ده۔ هغه د كابينې او پارليمنټ غړو ته ووئيل چې په خپلو خپلو سيمو كښې ربيع الاول په بشپړه ډول ولمانځي۔ وزیراعظم ووئيل د نبي كريم ﷺ په شان كښې د ګستاخۍ ځواب دانشورانه او مدلل وركولو له ګامونه پورته كولې شي۔ وزیراعظم عمران خان د خپل خطاب نه وړاندې د پاكستان نوموړي اتومي سائنسدان ډاكټر عبد القدير خان لپاره فاتحه خواني هم وكړه۔(mwa/mwa/2146)
