اسلام آباد 23 دسمبر(اے پي پي)د سېنېټ چيئرمېن محمد صادق سنجراني وئېلي دي په پاكستان ګښې د سرمايه كارۍ لپاره ماحول محفوظ او سازګار دے كوم څخه چې د سعودي عرب سرمايه كار استفاده كولې شي٬دوه اړخيزه تجارتي اړيكو ته د لا ودې وركولو ضرورت دے۔د سېنېټ سېكرټرېټ له مخې دا خبره ده د سعودي مجلس شوری كونسل چيئرمېن ډاكټر عبدالله بن محمد آل شېخ په مشرۍ كښې د اعلٰی اختياراتي پلاوي سره په خبرو كښې كړې چا چې د زيارت په ورځ د سېنېټ چيئرمېن سره ملاات كړے۔په ملاقات كښې د دواړو وروڼو هېوادونو ترمينځه د دوه اړخيزه اړيكو ودې او ټولو څانګو كښې د لا مرستې زياتولو پشمول د شريكې خوښې په چارو د خيالاتو څرګندونه وشوه۔د سعودي او پاكستان پارليماني روابطو ودې پشمول په نورو شريكو چارو هم خبرې شوي ۔د سېنېټ چيئرمېن خاص مېلمه د افغانستان صورتحال او هلته خلق د بحران څه بچ كولو لپاره د پورته كړو اقداماتو څخه خبر كړل۔محمد صادق سنجراني د سعودي او كنګ سلمان رېليف سنټر لخوا د افغان اولس په مرسته كولو مننه وكړه۔د سېنېټ چيئرمېن ووئيل سعودي عرب په هر سخت وخت كښې د پاكستان مرسته كړې كومه چې د ستائنه وړ ده۔دغسې د دواړو لارښودو ترمينځه په دوه اړخيزه اړيكو او د مرستې په وده تفصيلي خبرې شوي ۔د سعودي مجلس شوری كونسل چيئرمېن ووئيل خادم الحرمين الشريفين او د سعودي اولس د پاكستان سره همدردي لري۔د سېنېټ چيئرمېن د سعودي عرب نړيوال اسلامي هېوادنو يو موټې كېدو كښې موثر كردار هم وستائېلو۔د سعودي مجلس شوری كونسل چيئرمېن ووئيل د دواړو هېوادونو ترمينځه د پلاويو تبادلو سره اړيكې لا مستحكمې شوي۔د سېنېټ چيئرمېن صادق سنجراني ووئيل د او آئي سي خارجه وزيرانو په كاميابه غونډه كولو د سعودي عرب كردار د ستائنې وړ دے۔ده ووئيل په افغانستان كښې پائيدار امن لپاره هيله لرو۔په ملاقات كښې د عراق په موجوده صورتحال هم د خيالاتو څرګندونه وشوه۔ ملاقات كښې د سېنېټ چيئرمېن سره سېنېټر حافظ عبدالكريم٬نصيب الله بازئي٬فيض محمد٬فيصل سليم او د سېنېټ سېكرټري محمد قاسم صمد خان هم موجود وو
