پېنډي 29 دسمبر (اے پي پي) د كورنيو چارو وفاقي وزير شېخ رشيد احمد وئيلي دي چې عمران خان به پنځه كال ترسره كوي٬ مونږ به په راتلونكې ټاكنو كښې هم د عمران خان په مشرۍ كښې مېدان ته كوزېږو ٬ په خېبر پښتونخوا كښې د بلدياتي ټاكنو نه پس مولانا فضل الرحمن به اوس اسمبليو څخه د استعفاګانو مطالبه نه كوي، نوازشريف هېواد ته رستنېږي يا نه راستنېږي هېڅ فرق نه پرېوځي، د ډالر په بيعه قابو موندلو لپاره مني بجټ ضروري دې، د پېنډۍ مېګا پراجېکټ د مور او بچي روغتون به راتلونكې مياشت كښې د سهولت لپاره فعاله كړې شي۔ د شورو په ورځ د مور او بچي روغتون دورې په مهال ميډيا سره په خبرو كښې ده ووئيل وزيراعظم به په راتلونكې مياشت كښې د دې روغتون پرانسته كوي او د دې نه پس به دا فعاله شي۔ په دې موقع قامي صحت لپاره د وزيراعظم سلاحكار ډاکټر فېصل سلطان، پارلماني سېكتر شېخ راشد شفيق، د صحت وزارت سېكتر او نور لوړ پوري هم موجود وو
