اسلام آباد۔19فروری (اے پی پی) د مذهبي چارو او بين المذاهب همغږۍ وزارت په سرهند شريف هند كښې د حضرت مجدد الف ثاني ؒ په كلن عرس كښې ګډون كولو كښې خوښي لرونكو پاكستاني زائرينو څخه د روانې مياشتې تر 29 مې نېټې خواستونه غوښتلي دي۔ د مذهبي چارو وزارت وياند له مخې خواستونو سره به د وزارت په نامه د زر روپو بېنګ ډرافټ هم لف كول وي كومې به چې واپس كولې نه شي۔ د عرس دستورې به د روان كال 29 اګست څخه تر 04 ستمبر په سرهند شريف ٬ هند كښې روانې وي۔ د وزارت له مخې 200 پاكستاني زائرين به په عرس كښې ګډون كولو لپاره لېږلې شي۔ كه خواستونه زيات ترلاسه شول نو د مارچ په 28 مه نېټه به د مذهبي چارو وزارت د قرعه اندازۍ د لارې د 200 زائرينو ټاكنه كوي۔ د عرس په اړه ټول تفصيلات د وزارت په وېب پاڼه وركړې شوي دي۔ وزارت به په پخواني فارم جمع كړے شوے خواست نه قبلوي۔
