كوئټه 23 جولائي (اے پي پي)د بلوچستان ګورنر جعفر خان مندوخيل په يوه ورځنۍ دوره ژوب ته رسېدلے چرته چې د ژوب ډويژن كمشنر طارق الرحمان بلوچ٬ډپټي كمشنر محبوب احمد اچكزئي٬ايكټنګ ډي پي او اختر اچكزئي او د ضلعې انتظاميې نور افسرانو د ده هركلے وكړو۔د ګورنر ژوب ته د چورلكې د لارې په رسېدو د بلوچستان كانسټيبلري يوې چټك ډلې ده ته سلامي وكړه۔د يادونې وړ ده صوبائي وزير مير عاصم كردګيلو او نور محمد ډومړ هم د بلوچستان ګورنر جعفر خان مندوخيل سره ملګري دي۔د دورې مقصد د لرو پرتو ضلعو معروضي حالات او اولس ته د پیښو مسئلو په اړه خبرتيا ترلاسه كول دي۔په دې موقع ګورنر د ژوب ټو وانا سړك رسمي پرانسته وكړه۔
