اسلام آباد 02 ستمبر (اے پي پي) سېنېټ د پبلك اكاؤنټس كمېټۍ لپاره د سېنېټ چيئرمېن لخوا د تجويز كړو 6 نامو په متفقه توګه منظوري وركړې۔د ګل په ورځ د سېنېټ په غونډه كښې د قانون او انصاف وفاقي وزير سېنېټر اعظم نذير تارړ تحريك وړاندې كړو چې د سېنېټ چيئرمېن لخوا د پبلك اكاؤنټس كمېټۍ لپاره تجويز كړے شوو نامو سېنېټرز شبلي فراز٬هلال احمد خان٬سليم مانډوي والا٬افنان الله٬فوزيه ارشد او محسن عزيز منظوري دې وركړې شي۔د سېنېټ چيئرمېن سيد يوسف رضا ګېلاني ووئيل د ټولو سياسي ګوندونو په مشاورت سره دا غړي د سېنېټ پبلك اكاؤنټس كمېټۍ لپاره غوره كړی شوي٬په دې كښې د ټولو صوبو او وفاق نمائندګي موجود ده۔د دې نه پس سېنېټ په متفقه توګه منظوري وركړه۔
