اسلام آباد 04 ستمبر (اے پي پي) د كورنيو چارو وفاقي وزير محسن نقوي سره د مركزي روېت هلال كمېټئ چيئرمېن مولانا سيد محمدعبدالخبير آزاد ليدلي دي چې پكښې د امن په راوستو او د ترهګرۍ او فرقه واريت خاتمې٬ د مذهبي همغږۍ، روادارۍ او د مسلكونو ترمېنځه اتحاده ته ودې وركولو لپاره په اقداماتو د خيالات څرګندونه شوې۔ داخله وزير محسن نقوي ووئيل ترهګر كوم دين او مذهب نه لري٬ د ترهګرۍ په ضد جنګ كښې وړومبے هم علمائے كرامو د قام لارښوونه كړې او اوس هم د دې سخت ضرورت دے٬ د ترهګرۍ په ضد جنګ كښې موثره بيانيې لپاره به د ټولو مسلكونو علماء كرامو سره مشاروت كولې شي ٬ علماء كرامو سره د مشاورت قامي كمپائن به ډېر زر پېل كړې شي۔ده ووئېل د ترهګرۍ په ضد جنګ د پاكستان د بقاء جنګ دے ٬ د دې لعنت خاتمې لپاره علماء كرامو له يو ځل بيا خپل عظيم كردار لوبول دي٬ علماء كرامو تل د پاكستان په تعمير او ترقي كښې خپل كردار لوبولے۔ ده ووئيل دښمن ناامني خپرولو سره اړے ګړے راپېدا كولو سره قامي يووالي ته زيان رسول غواړي۔ ټول به په ګډه د دښمن ناوړه اېجنډا ناكامه كوٶ۔ په دې موقع مولانا سيد عبدالخير آزاد ووئيل پېغام پاكستان، د پاكستان ھغه عظيمه بيانيه ده كومې چې ترهګري٬ انتها خوښي او فرقه واريت حرام ګرځولے ٬ په موجوده حالاتو كښې به بين المسالك او بين المذاهب همغږي او قامي يووالي لپاره ټولو له كردار لوبول وي٬ پاكستان كښې امن لپاره د وفاقي وزير محسن نقوي هڅې او خدمات د ستائنې وړ دي۔ ده ووئيل د ترهګرۍ او انتها خوښۍ خاتمې لپاره ټول قام خپلو مېړنو وسله والو ځواكونو او امنيتي ادارو سره ولاړ دے۔ دغسې داخله وزير محسن نقوي د مولانا عبد الخبير آزاد مذهبي همغږۍ، اتحاد او د وحدت پحقله د خدمات ستائنه هم وكړه۔
