اسلام آباد 29 دسمبر (اے پي پي) د منصوبه بندۍ او پرمختګ وفاقي وزير اسد عمر وئيلي دي سي پېك د پاکستان د مجموعي پرمختيائي تګلارې او د يو مېګا پراجېكټ سره سره د چين پاكسان ترمېنځه د اقتصادي اړيكو د بنياد تيګه ده، پاکستان په خاص اقتصادي زونز كښې د سرمايه كارۍ عمل نه يوازې د چين كمپنو بلكې نورو نړيوالو سرمايه كارو لپاره هم آسان كړے ، د سي پېك له مخې زياتره منصوبې د كال 2021 په پائې بشپرېدونكې دي ٬ صنعتي مرستې لپاره د جوړ كړي وركنګ ګروپ ثمرات رامخې ته كېدل پېل شوي٬ كوم چې په فېصل آباد كښې د علامه اقبال خاص اقتصادي زون، خېبرپښتونخوا كښې د رشکئي او سندھ كښې دھابيجي خاص اقتصادي زون په شكل ليدے شي ٬ د ګوادر اقتصادي زون پراختيا منصوبې لپاره به ډېر زره حتمي منظوري وركړې شي۔ د دې خيالاتو څرګندونه ده د شورو په ورځ چين پاکستان اقتصادي راهداري وړومبي پړاٶ كښې د غوره کارکردګۍ مظاهره كوٶنكو 27 پاكستانيانو كاركنانو او اهلكارو ته د اېوارډ وركولو لپاره د چين په سفارت كښې دستورې ته خپلې وېنا كښې وكړه۔ وفاقي وزير ووئيل د كرونا باوجود په كال 2021 كښې سي پېك كښې ځانګړې پېشرفت شوے٬ وزيراعظم چې يو څو مياشتې وړاندې د شمالي زون پرانسته كړې وه ھغه سوئيلي زون څخه 35 چنده لوي دے او دا د سي پېك پرمختګ او د سباٶن پحقله د پاكستان د عزم څرګندونه كوي۔ ده ووئيل د سي پېك په دوېم پړاٶ كښې دواړه هېوادونه د كركيلې او سائنس او ټېكنالوجۍ څانګې ته پاملرنه كوي۔ اسد عمر ووئيل د جے سي سي په لسمه غونډه كښې پاكستان او چين د انفارمېشن ټېكنالوجۍ په څانګه كښې په ګډه كار كولو لپاره په لوظنامه لاسليك كړے ٬ چين د انفارمېشن ټېکنالوجۍ په څانګه كښې ښه ترقي كړې او پاكستان كښې اوس په دې څانګه كښې ځانګړے پېشرفت رامخې ته كېدل پېل شوے۔ ده ووئيل په دې څانګه كښې تېر كال پاكستان او د بهر په انفارمېشن سروسز برآمدات كښې 47 فيصده او سږ كال 38 فيصده اضافه شوې ، دې لپاره په دې څانګه كښې د پاكستان او چين كمپنو لپاره بلها موقعې شته۔ وفاقي وزير اسد عمر ووئيل سي پېك منصوبې نه يوازې د پاكستان او چين ترمېنځه د اړيكو د معيار ثبوت دے بلكې د دې منصوبوې بشپړېدل زمونږ د قوي تړون او عزم ثبوت دے ۔ ده ووئيل بي آر آئي واقعي چې تاريخي دے ځكه چې د دې تصور د ټول انسانيت پرمختګ او پېشرفت لپاره ٶ۔ ده ووئيل د صدر شي جن پنګ د هېوادونو ترمېنځه د روابطو او د مشتركه سوكالۍ د لارې د سوكالۍ زياتولو وژن نړۍ لپاره د ذكر وړ نمونه ده۔ اسد عمر د كرونا په مهال د پاكستان په ملاتړ كولو د چين ستائنه هم وكړه ۔ د يوې پوښتنې په ځواب كښې ده ووئېل د سي پېك مخالفين نه يوازې د لفظونو د لارې د سي پېك مخالفت كوي بلكې د ترهګرۍ سرپرستي هم كوي خو پاکستان كوټلي حفاظتي اقدامات كوي او د ترهګرۍ كاروائيو څخه د سي پېك يوه منصوبه نه ده ځپلې شوې٬ د دې نه علاوه وزيراعظم د چين د منصوبو كاركنانانو د امنيت پخپله هم جاج اخلي۔ په دې موقع وفاقي وزير اسد عمر په سي پېك منصوبو كښې كاركوٶنكو پاكستانيانو له مباركي وركړه او وې وئيل د چين كمپنو به ليدلي وي چې د پاكستان پېشه ورو كسانو معيار د نړۍ غوندې ښه دے ځكه چې ھغوي خواري كښ او د زده كړې خواهش لري۔
