اسلام آباد 20اپرېل(اے پی پی)خارجه وزير بلاول بهټو زرداري به د مئي په څلورمه او پنځمه نېټه د هند ګوا ښار كښې د شنګهائي مرستې تنظيم(اېس سي او)خارجه وزيرانو په غونډه كښې ګډون كوي۔ دا خبره د خارجه دفتر وياندې ممتاز زهره بلوچ د زيارت په ورځ پرېس بريفنګ كښې كړې۔ دې ووئيل چې پاكستان شنګهائي مرستې تنظيم سره پخوانې تړون په نظر كښې نيولو سره د شنګهائي مرستې تنظيم په غونډو كښې ګډون كوي۔ وياندې ووئيل چې خارجه وزير بلاول بهټو زرداري به د مئي په څلورمه او پنځمه نېټه ګوا ښار كښې كېدونكې د شنګهائي مرستې تنظيم خارجه وزيرانو كونسل په غونډه كښې ګډون كښې د پاكستاني پلاوي مشري كوي۔ خارجه وزير د هند خپل همڅنګ او اېس سي او خارجه وزيرانو كونسل موجوده مشر ډاكټر اېس جے شنكر په بلنه د اېس سي او سي اېف اېم په غونډه كښې ګډون كوي۔وياندې ووئيل چې په غونډه كښې زمونږ ګډون د شنګهائي مرستې تنظيم چارټر او عمل سره د پاكستان د عزم او د دې د اهميت عكاسي كوي كوم چې پاكستان د خپل خارجه پالېسۍ ترجيحاتو كښې منطقې ته وركوي۔ وياندې ووئيل چې خارجه وزير بلاول بهټو زرداري تېر كال جولائي كښې تاشقند كښې د خارجه وزيرانو كونسل په آخري غونډه كښې هم ګډون كړې و۔د موسمياتي بدلون وفاقي وزيرې سينېټرې شيري رحمان د ماحولياتي تحفظ په اړه د اېس سي او غونډه كښې د پاكستان نمائندګي كړې۔ دا غونډه د اپرېل په 18مه نېټه نوې ډېلۍ كښې آن لائن فارميټ كښې شوې۔وياندې ووئيل چې تېره ورځ د نېشنل ډيزاسټر منيجمنټ اتهارټي ډائرېكټر د بېړني حالاتو مخ نيوي او خاتمې لپاره د ايجنسو مشرانو د اېس سي او پوهانو په غونډه كښې په عملي توګه ګډون وكړو او نن د ډيزاسټر رسك ريډكشن غړي محمد ادريس محسود د بېړني حالاتو مخ نيوي او خاتمې لپاره د ايجنسو مشرانو اېس سي او په غونډه كښې په عملي توګه ګډون كوي
