اسلام آباد۔23 ستمبر(اے پی پی) د ورلډ بېنك استازو او د برطانېي هائي كمشنر د جمعې په ورځ د نېشنل فلډ رېسپانس کوآرډینېشن سېنټر (اېن اېف آر سی سی ) دوره كړې چرته چې دوي ته د سېلاب ځپليو سيمو كښې مرستې او بحالۍ له د روانو هڅو په اړه بريفنګ وركړے شو۔ د اېن اېف آر سي سي له مخې پلاوي ته په هېواد كښې د سېلاب د لاسه په زياتو ځپلو شوو سيمو كښې اولسي ژوند او انفراسټركچر ته د رسېدلي زيان په اړه ووئيل شول ۔ پلاوي ته ووئيل شول د پاكستان په درېو كښې يوه برخه په اوبه كښې ډوبه شوې او روغتيا سره اړوندې مسئلې رامخې ته كېږي۔ دواړو پلاويو په دې مهال د موسمياتي بدلونونو په نتيجه كښې په رامخې ته شوو چېلنجونو قابو موندلو له د خپل اړخه د مرستې باور وركړو۔
