اسلام آباد۔20دسمبر(اے پی پی) خارجه وزير مخدوم شاه محمود قرېشي وئيلي دي چې د 20 خارجه وزيرانو او 10 نائب خارجه وزيرانو د او آئي سي د خارجه كونسل په غېر معمولي غونډه كښې ګډون د پاكستان لويه كاميابي ده ،437 پلاويو په دې تاريخي غونډه كښې ګډون وكړو۔ د ګل په ورځ د او آئي سي خارجه وزيرانو كونسل غېر معمولي غونډې په اړه په خپل يو مهم بيان كښې خارجه وزير ووئيل پاك پروردګار پاكستان ته د وزيراعظم عمران خان په مشرۍ كښې درناوې ٬ كاميابي او عزت وركړو۔ خارجه وزير ووئيل د افغانستان لپاره د ټرسټ فنډ په جوړولو كښې كامياب شؤ او د افغانستان بېنكنګ سسټم بحالۍ لپاره مو قرارداد راوړو ٬ دا يو لويې پېشرفت دے۔ شاہ محمود قریشی ووئيل پاكستان او سعودي عربستان په ګډه كردار ترسره كړو۔ خارجه وزير خارجه دفتر سره د مرسته كوؤنكو ټولو ادارو او اړوندو شخصياتو مننه وكړه۔ هغه ووئيل مسئله د طالبانو نه بلكې مسئله د 38 مليه اولس ده ٬ افغان اولس لوږې او قحط سره مخ دې ٬ افغانستان داروګانو او خوراك ته فوري اړتيا لري۔ كه د تنخواه پېسې وي نو سكولونه به پرانستې وي ٬ د دومره ډېرو هېوادونو استازو پاكستان ته راتلل يو لويې پېشرفت دې۔ خارجه وزير ووئيل د قومي اسمبلۍ سپيكر ٬ د سېنېټ او پاك پوځ مننه كوم۔ هغه ووئيل د خارجه دفتر عملې خواري كولو سره كنفرنس كامياب جوړ كړو٬ د پاكستانۍ او غېر ملكي ميډيا هم د دې غېر معمولي او تاريخي غونډې په رپورټ كولو مننه كوم۔ هغه دعا وكړه چې پاك پروردګار دې پاكستان په ټوله نړۍ كښې دغسې كامياب ٬ په عزت او سرخرو وساتي
