اسلام آباد۔20دسمبر (اے پی پی)د اسلامي مرستې تنظيم (او آئي سي) عمومي سېكتر حسېن ابراهیم طه وئیلي دي چې د افغانستان د روان وضعیت په اړه د او آئي سي د بهرنیو چارو د وزیرانو د كونسل په 17 مه غېر معمولي غونډه كښې د افغانستان له خلکو سره د مرستې لپاره د یو نړیوال فنډ جوړېدل او د افغانستان لپاره د او آئي سي د ځانګړي استازي ټاكل كېدل يوه مهمه كاميابي ده۔ هيله ده چې د او آئي سي د غړو هېوادونو سره سره نور هېوادونه به هم په دې فنډ كښې مرسته وكړي ٬ د غېر معمولي غونډې كاميابي خوشبينه ده او دې سره به منطقه او په خاص توګه په افغانستان كښې بهتري رامخې ته شي۔ هغه د ګل په ورځ د او آئي سي په غونډه كښې د ګډون كولو نه وروستو خپل هېواد ته د روانېدو په مهال ميډيا سره خبرې كولې۔ په دې مهال د اطلاعاتو او خپرونو وزير مملكت او نورو اړوندو اعلی چارواكو هغه ته په مخ ښه ووې۔ د او آئي سي عمومي سېكتر ووئيل د او آئي سي په كاميابه غونډه كولو د پاكستاني اولس او حكومت مننه كوؤ٬ دا غېر معمولي غونډه يوه لويه كاميابي وه ٬ په منطقه كښې د روان پېشرفت په اړه دا يوه مهمه غونډه وه۔ هغه ووئيل د غېر معمولي غونډې كاميابي خوشبينه ده او هيله ده چې دې سره به منطقه او په خاص توګه په افغانستان كښې بهتري رامخې ته شي۔ هغه ووئيل د دې غونډې يوه مهمه كاميابي دا ده چې د او آئي سي په غونډه كښې د او آئي سي اسسټنټ سېكتر طارق بخيت د افغانستان خاص استازې وټاكلې شو كوم چې خپل كار پېل كړې دې۔ هغه په غونډه كښې د طالبانو نمائنده سره ملاقات هم كړې ٬ هيله ده چې هغه به په سباؤن كښې هم اړوندو ادارو سره تماس ونيسي۔ د او آئي سي عمومي سېكتر ووئيل دويمه كاميابي افغان اولس لپاره د فنډ جوړول دي په كوم كښې به چې نه يوازې د او آئي سي غړي هېوادونه بلكې نور هېوادونه هم مرسته كوي دغسې چې د 40 كالو نه مصيبتونو سره د مخ افغانانو مرسته وكړې شي۔ هغه ووئيل په غونډه كښې د افغانستان لپاره د ډاډ وړ اعلانونه شوي دي٬ د غونډې به تاريخي اثرات رامخې ته شي۔ په دې موقعه وزير مملكت فرخ حبيب د عمومي سېكتر مننه كولو سره ووئيل هيله ده چې د افغانستان په اړه به د او آئي سي خصوصي نمائنده فعاله كردار ترسره كړي۔ هغه ووئيل په افغانستان كښې د رامخې ته شوې انساني الميې مخنيوي له د او آئي سي پلېټ فارم څخه بشپړه غږ پورته كړې شوې دې
