اسلام آباد 08 فروري (اے پي پي) د اطلاعات او خپرونو نګران وفاقي وزير مرتضيٰ سولنګي د كال 2024 انتخابات په كاميابۍ قام له مباركي وركولو سره وئيلي دي د اولس په لوئي شمېر ووټونه وركول زمونږ د جمهوريت د مضبوطيا ثبوت دے٬ ګرد هېواد څخه خلقو په لوي شمېر په انتخابي عمل كښې برخه اخستې او جمهوريت سره د خپل تړون ٬ قامي ذمه وارۍ او د خپل ووټ په طاقت د باور څرګندونه كړې ۔ د زيارت په ورځ د ټولټاكنو په كاميابه تابيا د نګران حكومت لخوا پاليسي بيان كښې وفاقي وزير ووئيل نن زمونږ قام په جمهوري سفر كښې يو بل نوې تاريخ رقم كړے، ګرد هېواد څخه په لوئي شمېر په انتخابي عمل كښې برخه اخستې او جمهوريت سره د خپل تړون ٬ قامي ذمه وارۍ او د خپل ووټ په طاقت د باور څرګندونه ئې كړې ۔ ده ووئيل د اولس په لوئې شمېر ووټونه وركول نه يواځې زمونږ د جمهوريت د مضبوطيا ثبوت دے بلكې دا زمونږ د هېواد په تاريخ كښې د يو مهم سنګ ميل حېثيت لري۔ ده ووئيل د انتخاباتو سوله ايزه تابيا د ټولو شركتدارو د اجتماعي هڅو نتيجه ده ٬ زه د ھغه ټولو خلقو مننه كوم چا چې په دې جمهوري مشق كښې مهم كردار لوبولے۔ ده د نړيوالې ميډيا٬ مبصرين٬ ځائي ميډيا او په فيلډ كښې د موجودو خبريالانو هم په خاص توګه مننه كولو سره ووئيل ستاسو شتون او كورېج په نړيواله كچه زمونږ د انتخابي عمل په سلامتيا رڼا اچولو سره سپېځلتيا او د اعتبار باوري كولو كښې مهم كردار لوبوي۔ ده د وسله والو ځواكونو، سول آرمډ فورسز، قانون نافذ كوٶنكو ادارو او د سول انتظاميه هم مننه كولو سره ووئيل دوي د انتخابي عمل په مهال محفوظ او سازګار ماحول وركولو كښې په غېر متزلزل عزم سره كار كړے او د دوي مېنې دا خبره باوري كړې چې په هېواد كښې د پولنګ عمل په ښه ډول تر سره شوے او كومه ناوړه پېښه نه د رامخې ته شوې او اولس ته امن او سلامتيا سره د ووټ اچولو موقع په لاس ورغلې۔ وفاقي وزير د اليکشن کميشن آف پاکستان مثالي طرز عمل او د انتخابي عمل په انتظام پېرزوئنې وړاندې كولو سره ووئيل جمهوري اقدار په ځائ ساتل او سپېځلې او بې پرې انتخابات باوري كولو لپاره د كمېشن ستړې او خوارۍ د ستائنې وړ دي٬ د الېكشن كمېشن لخوا وظيفائي پوهه او ديانتدارۍ زمونږ په انتخابي عمل د اولس باور ته په لا وده وركولو كښې د اهميت وړ ده۔ وفاقي وزير ووئيل د دې مهم سنګ ميل په سر كولو راځئ چې ھغه كسانو لپاره لاس پورته كړو كوم چې د ترهګرۍ پېښو سره مخ شوي٬ لوي څښتن دې د ارواښادو بخښنه نصيب كړي او د دوي د لازواله قربانيو په سبب دې قام يو موټے شي ۔ ده ووئيل راځۍ چې مونږ د خپلو جمهوري ادارو ملاتړ او استحكام جاري ساتلو لوظ وكړو٬ مونږ به په ګډه د سباٶن نسلونو لپاره يو مضبوط٬ خوشحال او جمهوري پاکستان جوړوٶ۔
