اسلام آباد 05 اکتوبر (اے پی پی) د اطلاعات او خپرونو دوهمې وزيرې مريم اورنګزېب جهل مګسي كښې د شوې بمي چاودنې غندنې كولو سره وئېلي دي د درس ځايونو څخه د امن او مينې پېغام ترلاسه كېږي٬مدرسې په نښه كوونكي مسلمانان كېدې نه شي٬په بلوچستان كښې د بې ګناه كسانو وينې تويونكي د پاكستان دښمنان دي څوك چې د هېواد د پرمختګ لاره نيول غواړي٬د پاكستان اولس به په اتحاد او د ځانګړې جذبې سره د ترهه ګرو مقابله كوي۔د زيارت په ورځ د غندنې په خپل بيان كښې دې ووئيل ترهه ګر د قام عزم كمزورې كولې نه شي٬د پاكستان اولس به اتحاد ٬يو والي او د قربانۍ ځانګړې جذبې سره د ترهه ګرو مقابله كوي۔مريم اورنګزېب ووئيل مېړنو امنيتي اهلكارو د خپلو ځانونو قرباني وركولو سره د پاكستان د استحكام يو نوې تاريخ جوړ كړې۔ټول قام خپلو د وياړ وړ زامنو ته سلام كوي۔دوهمې وزيرې مريم اورنګزېب ځپليو كورنيو سره د خواخوږۍ څرګندونه او د ژوبل شويو زر روغتيا له ئې دعا وكړه
