اسلام آباد۔5مارچ (اے پی پی) پاکستان مسلم لیگ (ن)دی سینئر نائب صدرو چیف آرگنائزر مریم نواز پاکستان تحریک انصاف (پی ٹی آئی)دے چیئرمین عمران خان تے طنز کریندے ہوئیں آپݨے والد نواز شریف کوں آکھیے جو او تھوڑی جہی بہادری پی ٹی آئی دے سربراہ کوں ادھار ݙے ݙیون جیڑھا گرفتاری دے ݙر توں مبینہ طور تے آپݨی رہائش گاہ زمان پارک توں بھڄ ڳئے ۔ ھک ٹویٹ اچ انہاں آکھیے پی ٹی آئی دے سربراہ دا تمسخر اݙیندے ہوئیں آکھیے بے گناہ ہووݨ دے باوجود، انہاں دے والد نواز شریف اپݨی دھی دے رلے لندن توں پاکستان واپس آئے تے گرفتاری دا فیصلہ کیتا، شیر بے گناہ وی ہووے تاں دھی دا ہتھ وٹھی تے لندن توں پاکستان آتے گرفتاری ݙے ݙیندے تے گڈر چور ہووے تاں گرفتاری دے ݙر توں ݙوجھیں دیاں دھیریں کوں ڈھال بݨا تے لک ویندے۔ مریم نواز سابق وزیر اعظم کوں مزید تنقید دا نشانہ بݨیندے ہوئیں آکھیے قوم لیڈر اتے گدڑدا فرق جاݨ چکی اے۔
