۔ صوبائي حكومتونو سره په ګډه كار كول ٬ د پاك پوځ٬ امنيتي ځواكونو او د اولس د قربانيو مېوې په نظر راتلل پېل شوي٬ د اطلاعاتو او خپرونو دوهمه وزيره مريم اورنګزېب د حضرت بهاء اللہ د 200مې زېږېدنې ورځ په موقع د ” انسانيت جشن” په سرخط دستورې ته وېنااسلام آباد ۔ 20 اکتوبر (اے پی پی) د اطلاعاتو او خپرونو او قامي ورثې دوهمې وزير مريم اورنګزېب وئيلي دي حکومتي هلو ځلو سره د ترهه ګرۍ مخنيوي په پاليسو په فعاله عملدرآمد شوے۔ صوبائي حكومتونو سره په ګډه كار كول ٬ د پاك پوځ٬ امنيتي ځواكونو او د اولس د قربانيو مېوې په نظر راتلل پېل شوي۔ د دې خيالاتو څرګندونه مريم اورنګزېب د حضرت بهاء اللہ د 200مې زېږېدنې ورځ په موقع د ” انسانيت جشن” په سرخط دستورې ته وېنا كښې وكړه۔ په دې مهال د هنزه ٬ خېبر پښتونخوا ٬ ګلګت بلتستان٬ آزاد كشمير ٬ سندھ ٬ پنجاب او بلوچستان لوك فنكارانو په روايتي ډول سيمه ايزې سندرې وړاندې كړې۔ دستورې ته خپل خطاب كښې مريم اورنګزېب ووئيل د پخواني وزیراعظم محمد نواز شریف د وژن له مخې پاكستان يو ځل بيا د نړۍ په نقشه يو سوله ايز هېواد رامخې ته كېږي ٬ هېواد كښې ټول مذهبونه او ورورولۍ په اوچتو سترګو ژوند كوي ٬ بغض ‘حسد ‘کینه هره ټولنه بربادوي۔ دې ووئيل پاكستان دا مهال د تاثر سخت جنګ نه تېرېږي٬ مونږ ټولو له به د يو قام غونډې د تاثر په جنګ كښې هم كاميابي ترلاسه كول وي۔ دې ووئيل د كلتور ٬ ادب٬ موسيقۍ او د فلم د لارې قامي تشخص په موثره توګه نړۍ ته وړاندې كولې كېدې شي۔ مريم اورنګزېب ووئيل يو مذهب داسې نشته چې د انسانيت سره د منينې نه علاوه د نور څه درس وركوي۔ دې ووئيل زمونږ د آبادۍ 60 فيصده زلمي دي او دا زمونږ روښانه سباون دې ٬ د دې ځوانانو سمه لارښودنه كول زمونږ وړومبۍ ترجيح ده ۔ دې ووئيل ټولنه كښې بايد زغم وي او د رائې اختلاف اورېدلو حوصله وي۔ په نقطه نظر او رائې كښی اختلاف كېدې شي۔ ولې مقصد بايد د هېواد پرمختګ او سلامتيا وي۔ دې سره ټولنې وده مومي
