اسلام آباد 30 اکتوبر (اے پي پي) احتساب عدالت د خزانې وزير اسحاق ډار د حاضرې څخه د استثنٰي خواست ردولو سره د هغه د ګرفتارې قابل ضمانت ورانټ جاري كړي دي او د اثاثو د ريفرنس اورېدنه ئې د زيارت تر ورځ ځنډولې۔ د ګل په ورځ د احتساب عدالت جج محمد بشير د كېس اورېدنه وكړه او د اسحاق ډار ضامن ته ئې هم نوټس جاري كړو او امر ئې وكړو چې اسحاق ډار دې د نومبر په 2مه نېټه عدالت ته وړاندے شي۔ په عدالت كښې د اسحاق ډار په نه وړاندې كېدو د هغه لخوا ميډيكل رپورټ جمع كړے شو۔ د نېب پراسيكوټر اعتراض وكړو چې مېډيكل رپورټ د مروجه قوانينو له مخې نه دې جمع كړے شوے۔ د اسحاق ډار وكيل خواجه حارث ووئيل چې كوم ريكاډ مونږ غوښتې هغه نه دې راكړے شوے۔ عدالت ووئيل چې مېډيكل رپورټ تهرو پراپر چېنل نه دې راغلے۔ عدالت د اسحاق ډار د قابل ضمانت وارنټ او ضامن ته د نوټس جاري كړو او د ريفرنس اورېدنه ئې د زيارت تر ورځ وځنډوله۔ ﴿م
