اسلام آباد 17 اكتوبر (اے پي پي) د منصوبه بندۍ او پرمختګ وفاقي وزير احسن اقبال د بشري وسائلو او د مهارتونو پرمختګ له د كار كونكي ټاسك فورس د درېمې غونډې مشري كړې ۔ په غونډه كښې د پاكستان ورك فورس په سباٶن كښې د نړيوال او ځائي ضرورتونو سره د سمولو په ضرورت زور راوړلے شو ۔ په غونډه كښې د اېچ اي سي چيئرمېن ډاكټر مختار احمد،د نيوټيك ريكټر ليفټيننټ جنرل (ر) معظم اعجاز، د تعليم وفاقي سيكرټري، د نيوټيك ډائريكټر او د سائنس او ټيكنالوجۍ او اړوند ادارو اعلٰې چارواكو ګډون وكړو۔ په غونډه كښې د اېس سي او سمټ پحقله خبره كښې احسن اقبال ووئيل دې غونډې سره په نړيواله كچه د پاكستان بهتر نمائندګي شوې ۔ده ووئيل مونږ له د خپلې كاركردګۍ د لارې د قامي او نړيوال معيار سره تلل دي ٬ د پاكستان سباون د بشري وسائلو په پرمختګ منحصر دے كوم چې زمونږ لويې طاقت او چېلنج هم دے۔ ده ووئيل ټاسك فورس دې د بشري وسائلو او پرمختګ مهمو څانګو پلو پام ګرځولو سره د هېواد سباون په جوړولو كښې مهم كردار ولوبوي۔ ده اېچ اي سي ته امر وكړو چې ھغوي د صنعتونو مشرتابه سره په ګډه د پاكستان په مينوفيکچرنګ څانګو٬ لكه ټيکسټائل، آټوموټيو، لوبو ٬ سرجيکل مصنوعات، او د دواسازې په ره د بشري وسائلو د ضرورتونو اندازه ولګوي او ھغه پورا كړي٬ مينوفيکچرنګ کلسټرز رامخې ته كول پكار دي او پوهنتونونو له د دې څانګو د طلب له مخې خپل پروګرامونه سمول پكار دي دغسې چې په نړيواله كچه د پاكستان برامدات كښې ځانګړې برخه واچولې شي۔ ده د د زراعت په څانګه كښې د هارټيکلچر،د پيو پېداوار، د تخمونو په ترقي، جي آئي اېس، او د ډرون ټيکنالوجۍ غوندې څانګو كښې د فصلونو د پوهانو په اهميت زور راوړو۔ ده ووئيل د پاکستان د زراعت ورك فورس له د جديد آلات او تکنيکونو وركولو ضروري دے دغسې چې په سباٶن كښې د زراعت ضرورتونه ترسره كړې شي او په پېداوار كښې زياتوالے اوشي
