اسلام آباد۔20جنوری(اے پی پی)چیئرمین سینیٹ محمد صادق سنجرانی امریکا کوں سب توں وݙا تجارتی شراکت دار قرار ݙیندے آکھیے جو پاکستان امریکا نال باہمی تعلقات دے ودھارے سودھا تجارتی روابط ودھاوݨ چاہندے۔ اے ڳالھ انہاں اسلام آباد اچ ملݨ آوݨ آلے امریکی سفیر سفیر ڈونلڈ بلوم نال ملݨ ویلھے آکھی۔ انہاں باہمی دلچسپی دے امور، مختلف شعباں خاص کر تجارتی و اقتصادی روابط، صحت، تعلیم اتے موسمیاتی تبدیلیاں دے شعبیاں اچ تعاون اتے اشتراک تے الایا۔ چیئرمین سینت سیلاب زدگان دی امداد تے شکریہ ادا کیتا اتے بلوچستان اچ عوامی فلاح سانڳے رل مل تے کم کرݨ تے زور ݙتے۔
