بہاولپور۔15ستمبر(اے پی پی) پاکستان بیت المال دے منیجنگ ڈائریکٹر عامرفدا پراچہ سویٹ ہوم بہاولپوردا دورہ کیتے اتے دستیاب سہولتاں دا جائذہ ڳھدے۔ پاکستان بیت المال توں جاری بیان موجب انہاں سویٹ ہوم اچ ٻالاں نال ناشتہ کیتے تے ڳالھ مہاڑ کریندے ہوئیں سنٹر اچ ݙتیاں ونڄݨ آلیاں سہولتاں دا ٻالیں توں پچھیا ۔ انہاں پاکستان بیت المال دے زیر انتظام سکول دا وی دورہ کیتے جتھاں انہاں کوں سکول پرنسپل جاری نصابی تے غیر نصابی صحت مندانہ سرگرمیاں تے بریفنگ ݙتی۔
