رياض 30 اكتوبر (اے پي پي)وزيراعظم محمد شهباز شريف وئېلي دي د پاكستان او سعودي عرب ترمينځه سرمايه كارۍ٬تجارتي لوظ نامو او د ايم او يوز ګټورې نتيجې رامخې ته كېدل پیل شوي٬پاك-سعودي قوي اقتصادي شراكتدارۍ ته ودې وركولو لپاره د نوو موقعو پیدا كولو ضرورت دے۔ د وزيراعظم آفس مېډيا ونګ لخوا جاري شوي بيان له مخې وزيراعظم د دې خيالاتو څرګندونه د سعودي سرمايه كارۍ وزير انجينئر خالد بن عبدالعزيز الفالح او د سعودي شاهي ديوان صلاحكار محمد بن مزيد التويجري سره د ملاقات په مهال په خبرو كښې كړې۔په ملاقات كښې د دفاع وزير خواجه محمد آصف٬د خزانې وزير محمد اورنګزېب٬د نجكارۍ وفاقي وزير عبدالعليم خان٬د پېټروليم وفاقي وزير ډاكټر مصدق ملك٬د تجارت وفاقي وزير جام كمال خان او د اطلاعات او خپرونو وفاقي وزير عطاﺀ الله تارړ هم موجود وو۔په ملاقات كښې د سعودي عرب او پاكستان د بېلو اقتصادي اقداماتو د پیشرفت جاج واخستلے شو ۔د سعودي عرب د سرمايه كارۍ وزير لخوا د 9 نه 11 اكتوبر د نجي څانګې يو غټ پلاوي سره د پاكستان دورې كوول ذكر سرعه وزيراعظم ووئيل د دورې په مهال په پاكستان كښې د لاس ليك شوو مفاهمتي يادښتونو د كوټلې سرمايه كارۍ او تجارتي لوظ نامو ګټورې نتيجې راتلل پیل شوي۔وزيراعظم د پاك-سعودي قوي اقتصادي شراكتدارۍ ته ودې وركولو لپاره د نوو موقعو پیدا كولو رفتار جاري ساتلو باندې هم خبرې وكړې ۔وزيراعظم شهباز شريف پاكستان سره د قوي اقتصادي مرستې د هلو ځلو او عزم په اړه د سعودي وزير خالد الفالح مننه وكړه۔ده د سعودي عرب وژن 2030 په پس منظر كښې د دواړو هېوادونو لپاره موجود اقتصادي موقعو څخه د ګټې پورته كولو په ضرورت زور راوړو۔
