اسلام آباد 28 نومبر (اے پي پي) د منصوبه بندۍ ٬ پرمختګ او اصلاحات وفاقی وزیر پروفیسر احسن اقبال وئيلي دي پرتشدد احتجاج كولو په اړه پي ټي آئي ټریك ریكارډ لري، مظاهرچيانو په پولیس او رینجرز اهلكارو تشدد كړے،د نړۍ په كوم هم هېواد كښې د دا ډول پرتشدد بريدونو اجازه نه وركړې كېږي، اېس سی او كنفرنس په موقع هم پی ټی آئی د خنډانو راولاړولو هڅه كړې ،خو هغوي به خپلو عزائمو كښې چري هم بريالي نشي۔د دې خيالاتو څركندونه ده د زيارت په ورځ د اطلاعات وفاقی وزیر عطاء الله تارړ سره پرېس كنفرنس كښې وكړه۔ده ووئيل د پي ټي آئي كاركنانو رینجرز او پولیس اهلكار شهیدان كړي، پرتشدد احتجاج لپاره د خېبر پښتونخوا سركاری وسائل استعمال كړې شوي ،په 9مئی هم پی ټی آئی د سلامتیا ادارو په تنصیبات بريد كړے ؤ، د هغه كس راخوشي كولو لپاره احتجاج شوے په كوم چې د بدعنوانۍ سنګین الزامات دي، پرتشدد احتجاج د پی ټی آئی باني د مقدمو ټرائل څخه د تېښتي هڅه ده۔احسن اقبال ووئيل يو سياسي ګوند په وفاقی پايه تخت كښې فساد خپرولو هڅه كړې ، جدید وسله لرونكو شر خوښو په اسلام آباد بريد كولو سره پرلت وهل غوښتل، د پی ټی آئی بانی له به ثبوت وركول وي چې هغه څه نه دي كړي۔
