اسلام آباد۔11دسمبر(اے پی پی) د قانون ٬ انصاف او بشري حقونو وفاقي وزير سېنېټر اعظم نذير تارړ سره پاكستان كښې د ملائیشین هائی کمېشن پلاوي د مېری رابرټ په مشرۍ كښې د شورو په ورځ د بشري حقونو وزارت په آفس كښې ملاقات وكړو۔ په ملاقات كښې ملائیشیا كښې پاكستانو بنديانو ته په پيښو مسئلو او د دوه اړخيزه مرستې په امكانات د خيالاتو څرګندونه وشوه۔ د بشري حقونو وزارت لخوا د جاري شوي پرېس ريليز له مخې په 10 دسمبر 2024 د بشري حقونو نړيوالې ورځ په موقع وزيراعظم شهباز شريف بهر هېوادونو كښې د مېشته پاكستانو وګړو د حقونو د تحفظ په اهميت زور راوړو۔ هغه اعلان وكړو چې ملائيشيا څخه د بنديوانو هېواد ته بېرته راوستلو ته به تر ټولو لومړې پاملرنه كولې شي۔ هغه د قانون وفاقي وزير ٬ خارجه وزارت او داخله وزارت ته په ګډه د قانوني تقاضو زر تر زره ترسره كولو هدايت وكړو۔ وفاقی وزیر سره ملاقات كښې د پاكستان او ملائيشيا ترمينځه د بنديوانو د تبادلې لوظنامې ته د حتمي شكل په وركولو هم خبرې وشوې۔ د دې لوظنامې منظورۍ څخه وروستو به پاكستاني بنديان د پاتې سزا موده پاكستان كښې ترسره كولې شي كومه چې د دواړو هېوادونو ترمينځه د مضبوطو او ملګرتيا اړيكو عكاسي كوي۔ وفاقي وزير ووئيل حکومت د تارکین وطن مهم كردار تسليمولو سره د هغوي د حقونو د تحفظ عزم لري۔ ملائیشین پلاوي د بنديوانو مسئلې حل كولو له د خپل اړخه د ملاتړ پخلے وكړو۔ دواړو د بنديوانو خېر ښېګړې لپاره د مرستې نظام مضبوطولو په اهميت اتفاق وكړو۔ د بشري حقونو وزارت او اېن سي اېچ آر د خارجه او داخله وزارتونو په مرسته په ملائيشيا كښی پاکستانو بنديوانو لپاره قونصلر سپورټ ښه كولو له اقدامات مرتب كړې دي۔ په دې اقداماتو كښې قانوني نمائندګي ٬ د ترجمې خذمات برابرول او د منصفانه قانوني عمل د لارې وكالت شامل دے۔ دا اقدام د بشري حقونو تحفظ او مضبوطو دوه اړخيزه اړيكو ته ودې وركولو له د حکومت عزم په ډاګه كوي دغسې چې د خپلو وګړو عزت او خېر ښېګړه باوري كړې شي۔
