اسلام آباد۔25دسمبر(اے پی پی) صدر مملکت آصف علی زرداری د قازخستان اكتاؤ ښار ته نزدې د آذربائیجان مسافر اوړونكې الوتكې په پېښه د افسوس څرګندونه كړې ده۔ د شورو په ورځ د ايوان صدر پرېس ونګ لخوا د جاري شوي بيان له مخې صدر مملكت په پېښه كښې د قيمتي ځانونو په زيان ژوره خواشيني اوښودله۔ صدر مملکت د آذربائیجان صدر الهام علیوف، حکومت او اولس سره غمرازي ښكاره كولو سره ووئيل زمونږ خواخوږۍ غمجنيو كورنيو سره دي او د غم دړد په دې وخت كښې مونږ دوئي سره يو برابر شريك يوو۔
