اسلام آباد۔16دسمبر (اے پی پی) غزه او فلسطين سره د تعلق لرونكو د شهيد ذوالفقار علي بھټو ميډيكل پوهنتون زده كوؤنكو 51 كسيزه پلاوي د سينيټ غونډې كارروائي وكتله۔ د ګل په ورځ د سېنېټ غونډه كښې د سېنېټ چيئرمېن ايوان ته ووئيل چې غزه او فلسطين سره د تعلق لرونكو د شهيد ذوالفقار علي بھټو ميډيكل پوهنتون زده كوؤنكو 51 كسيزه پلاوې د مېلمنو په ګېلرۍ كښې موجود دے۔ په دې غړو مېزونه ډبولو سره پلاوي ته هركلې ووې۔ په دې موقعه د سېنېټ چيئرمېن سيد يوسف رضا ګېلاني ووئيل دې ايوان فلسطيني اولس سره د يو يوالي څرګندونې له او د اسرائيلي ظلمونو په ضد د غندنې قرارداد منظور كړے ؤ۔ ده ووئيل د خپلواكۍ حق ترلاسه كولو له به د فلسطيني اولس سياسي او اخلاقي ملاتړ روان ساتؤ۔ په دې موقعه وفاقي وزير اعظم نذير تارړ ووئيل د اسرائیلی پوځ لخوا روان جارحيت او د فلسطيني اولس نسل وژنه د غندنې وړ ده۔ ده ووئيل دا مهال 162 فلسطینی زده كوؤنكي په پاكستان كښې د طب زدكړې ترلاسه كوي دغسې چې هغوي بېرته تللو سره د خپل اولس خذمت وكړے شي۔ ده ووئيل دې زدكوؤنكو ته د زدكړو وېړيا آسانۍ وركولې شي ٬ دا پروګرام به پراخا كولې شي دغسې چې زيات نه زيات فلسطيني زدكوؤنكي طبي زدكړو سره سره په نورو څانګو كښې هم زدكړې ترلاسه كړې شي۔
