اسلام آباد 31 جولائي (اے پي پي) د تجارت وفاقي وزير جام کمال وئيلي دي د کراچي-پپري فريټ کوريډور پروژې څخه به پاکستان ته ډېرې ګټې ترلاسه شي٬ پاك-يو اے اي اقتصادي اړيكې به لا قوي شي۔ د دې خيالاتو څرګندونه ده د متحده عرب امارات سفير حماد عبيد ابراهيم سالم الزابي سره په ملاقات كښې كړي۔ په دې موقع وفاقي وزير ووئيل متحده عرب امارات (يو اے اي) او پاکستان ترمېنځه دوه اړختيز تجارت او د سرمايه كارۍ موقعې به زياتول وي۔ په دې موقع د دوه اړخيزه تجارت٬ سرمايه كارۍ او د پاکستان او متحده عرب امارات ترمېنځه د مفاهمت په يادښتونو (اېم او يوز) لاسليك وشول٬ جام کمال خان د پاکستان او متحده عرب امارات ترمېنځه په اوږد مهاله دوستانه اړيكو زور راوړلو سره د سرمايه كارۍ مهمو منصوبو د ګړندۍ كولو په ضرورت زور رواړو۔ ده د ملټي نيشنل لاجسټک کمپنۍ د ډي پي ورلډ او ابوظهبي پورټ د پراختيا هركلے وكړو او دا ډول اقدامات لپاره ئې د حكومت د روانې مرستې تصديق وكړو۔ د يو اے اي سفير په دې خبره زور راړو چې د دواړه هېوادونه د ډېرې مودې نه د ورورولۍ اړيكې لري كومې چې به وخت سره سره لا مضبوطېږي۔
