اسلام آباد 13 اكتوبر (اے پي پي) پاكستان به په 15 او 16 اكتوبر اسلام آباد كښې د شنګھائي مرستي تنظيم كونسل آف هيډ آف ګورنمنټ (سي ايچ جي) 23مي غونډي كوربتوب كوي۔ د خارجه دفتر وياندي ممتاز زهره بلوچ تيره ورځ اوونيز پرېس بريفنګ كښې وئيلي چې اېس سي او كښې د شموليت نه بس پاكستان د ښه ګاونډيتوب اړيكو مستحكمولو له پرله پسې او په تعميري توګه كار كړې او پاكستان د شنګھائي مرستي تنظيم د چارټر مقصدونو او اصولو او اقدارو لپاره لوظي دے۔شنګھائي مرستي تنظيم (ايس سي او) د پريكړي كولو اعليٰ اداره كونسل آف هيډز آف سټيټس (سي ايچ ايس) دے د كوم چې هر كال غونډه كېږي او د تنظيم په ټولو چارو پريكړي كېږي۔ دي ووئيل چې كونسل آف هيډ آف ګورنمنټ (سي ايج جي) اوسني چئيرمېن په حيث وزيراعظم محمد شهبازشريف به د غونډي مشري كوي۔په غونډه كښې به د چين، روس، بيلاروس،قزاخستان،تاجكستان،كرغيزستان او ازبكستان وزيراعظمان د خپلو خپلو هېوادونو نمائندګي كوي۔ د ايران نائب صدر اول،د هند خارجه وزير به هم په غونډه كښې ګډون كوي۔د منګوليا وزيراعظم به د مبصر په حيث د سټيټ او تركمانستان كابينې ډپټي چيئرمېن او خارجه وزير به په غونډه كښې د خصوصي ميلمنو په حيث ګډون كوي۔د غونډي په مهال به وزيراعظم شهباز شريف د بيلو هېوادونو مشرانو او پلاويو سره دوه اړخيزه ملاقاتونه كوي۔په غونډه كښې به د غړو هېوادونو ترمينځه په اقتصادي، تجارتي، ماحولياتي،سماجي ثقافتي اړيكو د خيالاتو څرګندونه كولې شي۔په غونډه كښې به د تنظيم په كاركردګۍ هم غور كولې شي۔اېس سي او غړو هېوادونو ترمينځه اړيكو لا قوي كولو په اړه به مهمي پريكړي هم كولې شي دغسې د تنظيم د بجټ منظوري به هم وركولې شي۔ شنګھائي مرستي تنظيم (اېس سي او) تيره غونډه په 26 اكتوبر 2023 بشكيك كښې شوې وه او د پاكستان نمائندګي د هغه وخت نګران خارجه وزير خارجه جليل عباس جيلاني كړې وه۔ياده شوي غونډه كښې پاكستان د 2023 نه تر 2024 د حكومتي مشرانو كونسل صدارت هم سنبھال كړې ؤ۔په 15 او 16 اكتوبر اسلام آباد كښې كيدونكي د شنګھائي مرستي تنظيم غونډه كښې د چين وزيراعظم لي چيانګ ، روس وزير اعظم ميخائل ميشوسټن، بيلاروس وزير اعظم رومن ګولوچينكو، قازقستان وزيراعظم اولزاس بيكتينوف، د كرغيز وزيراعظم اكيل بيكتينوف، د تاجكستان وزيراعظم كوخير رسول زوده، ازبكستان وزيراعظم عبدالله اريپوف پشمول د شنګھائي مرستي تنظيم هېوادونو لارښودو ګډون متوقع دے۔
